Левица: Нема „економска ефикасност“ во крадењето на слободното време на работникот - тоа е стара експлоатација со нов речник

Левица преку соопштение реагира на предлогот на Стопанската комора за промени во начинот на користење на неработните денови, оценувајќи дека зад аргументите за економска ефикасност се крие притисок врз работничките права.

— реклама —

Од партијата велат дека предлогот работничкото право го третира како трошок, а времето на работниците го мери преку производството и профитот.

„Нема „економска ефикасност“ во крадењето на слободното време на работникот – тоа е стара експлоатација со нов речник“, наведуваат од Левица.

— реклама —

Партијата го критикува и односот на крупниот капитал кон неработните денови, тврдејќи дека барањата за промени во оваа област се насочени кон зголемување на времето поминато на работа.

— реклама —

Од Левица ја поврзуваат иницијативата на Стопанската комора и со политиките на ВМРО-ДПМНЕ, обвинувајќи ја партијата дека застанува зад интересите на крупниот капитал.

„Ако на олигархијата сега ѝ пречат празниците, утре ќе ѝ пречи викендот, задутре осумчасовното работно време“, се наведува во реакцијата.

— реклама —

Од Левица порачуваат дека нема да поддржат промени за кои сметаат дека ги загрозуваат работничките права.