Левица: „Врв на вмровската ароганција: со студентскиот оброк да си земат цигара, луѓето да преживеат со 10.000 денари и машки надзор врз жените“

Опозициската партија Левица преку соопштение упати остри критики до претставници на власта поради нивните јавни изјави за студентскиот оброк, животниот стандард на граѓаните и положбата на жените, оценувајќи дека тие покажуваат арогантен однос кон секојдневните проблеми на населението.

— реклама —

Во соопштението се посочуваат изјавите на пратеникот на ВМРО-ДПМНЕ, Бојан Стојаноски, за студентскиот оброк од 140 денари, како и коментарот на гувернерот Трајко Славески дека 10.000 денари неделно се доволни за граѓаните кои имаат ограничен пристап до своите заштеди во АЛТА банка.

— реклама —

Левица ги критикува и ставовите на коалицискиот партнер на власта, Петар Богојески, за машкиот надзор врз жените, оценувајќи дека таквите пораки се особено загрижувачки во услови на семејно насилство и фемициди. Во соопштението партијата наведува дека во 2025 година биле пријавени 4.745 случаи на семејно насилство.

— реклама —

Од Левица сметаат дека ваквите изјави се дел од политичката атмосфера што ја создава премиерот Христијан Мицкоски и обвинуваат дека власта ја претставува сиромаштијата како нешто што граѓаните треба да го прифатат.

— реклама —

„Левица нема да дозволи политичката елита да ја претвора сиромаштијата во доблест, обесправеноста во традиција, а понижувањето во нормален начин на живот“, се наведува во партиското соопштение.