Македонската тенисерка Лина Ѓорческа со победа го започна настапот на ВТА 125 турнирот во Анталија, откако во првото коло ја совлада седмата носителка Миа Ристиќ од Србија со 2-0 во сетови, 6-1, 6-3.
Ѓорческа до триумфот стигна по 86 минути игра. Во првиот сет направи два брејка и поведе со 4-0, а потоа во седмиот гем, по 16 одиграни поени, ја искористи четвртата сет-топка за 1-0.
Во вториот сет македонската тенисерка направи брејк во четвртиот гем за водство од 3-1, кое го задржа до крајот за убедлива победа.
Турнирот во Анталија се игра за награден фонд од 115.000 долари. Ѓорческа во следното коло ќе се соочи со Италијанката Аурора Ѕантедески.
