Линијата 35 продолжува до Радишани – Бутел ќе добие директна автобуска врска со Аеродром

Автобуската линија 35 ќе биде продолжена до Радишани, со што жителите на Општина Бутел ќе добијат директна поврзаност со друг дел од Скопје.

Информацијата ја објави градоначалникот на Општина Бутел, Дарко Костовски, кој соопшти дека процедурата за продолжување на линијата е завршена.

Костовски информира дека е постигнат договор со градоначалникот на Град Скопје, Орце Ѓеоргиевски, и директорот на ЈСП за продолжување на трасата до Радишани.

— реклама —

„Деновиве ќе го презентираме новиот возен ред, а за неколку дена ќе биде пуштена пробна линија која ќе сообраќа до последната станица на линијата 57 во Радишани“, објави Костовски.

Според најавата, продолжената линија во почетокот ќе функционира како пробна, а доколку има интерес од граѓаните, се очекува да стане трајно решение.

— реклама —

Со продолжувањето на линијата 35, според Костовски, Општина Бутел преку јавниот градски превоз директно ќе биде поврзана со Општина Аеродром.

— реклама —

Градоначалникот упати благодарност до Град Скопје и ЈСП за соработката, како и до жителите на Бутел за нивните сугестии и предлози.

Новото сообраќање се очекува да започне во наредните денови, по објавувањето на новиот возен ред.