Магла на Плетвар, Стража и Крушево, слаб снег на Попова Шапка – внимателно на патиштата

Сообраќајот на државните патишта низ земјата се одвива во зимски услови, по претежно влажни коловози. Слаби врнежи од снег се бележат на Попова Шапка, но снегот засега не се задржува на коловозот. Намалена видливост поради магла има на планинските премини Плетвар до 100 метри, Стража до 80 метри и Крушево до 30 метри.

— реклама —

Од АМСМ потсетуваат дека од 15 ноември 2025 година стапи во сила законската обврска за задолжително поседување зимска опрема во возилата, без оглед на моменталната временска состојба. Обврската ќе трае до 15 март 2026 година.

— реклама —

Интензитетот на сообраќај надвор од градските средини е умерен, а на граничните премини од македонска страна засега нема подолги задржувања за влез и излез од државата.

— реклама —

АМСМ препорачува прилагодена брзина на движење и внимателно управување со возилата, особено на патиштата низ котлините, речните долини и клисурите, каде постои можност од појава на одрони. Посебна внимателност се препорачува на делниците Катланово – Велес, Маврово – Дебар – Струга, Виница – Берово и Кочани – Делчево.

Во сила е и сезонскиот режим на сообраќај, според кој патниот правец Охрид – Ресен преку Националниот парк Галичица останува затворен за сите видови возила до 31 март 2026 година.