Магнетна резонанца направена на Трамп ја разбранува американската јавност, претседателот сака да ги објави резултатите

Американскиот претседател Доналд Трамп изјави дека ќе ги објави резултатите од магнетната резонанца направена во октомври, опишувајќи ги како „совршени“. Во разговор со новинарите за време на летот од Флорида кон Вашингтон, тој порача дека нема причина јавноста да не ги види наодите.

— реклама —

„Ако сакате да ги објавам, ќе ги објавам“, изјави Трамп, пренесува AP News.

И натаму, меѓутоа, останува нејасно зошто претседателот воопшто бил подложен на магнетна резонанца. Белата куќа досега не понуди прецизни информации за причините за прегледот, ниту пак соопшти кој дел од телото бил сниман.

— реклама —

Единственото официјално објаснување пристигна од портпаролката Каролин Левит, која наведе дека Трамп поминал „напредно снимање“ во рамки на рутински систематски преглед во Националниот воен медицински центар „Волтер Рид“, и дека резултатите потврдиле „исклучително физичко здравје“.

— реклама —

Сам Трамп вчера изјави дека не знае кој дел од телото бил предмет на снимање.

„Немам поим. Беше само магнетна резонанца“, рече тој. „Не беше мозокот, зашто го решив когнитивниот тест и го положив со одличен успех.“

— реклама —

Нејаснотиите околу причините за прегледот дополнително го поттикнаа интересот на американската јавност, особено имајќи предвид дека претседателот ретко ги споделува деталите за своето здравје. Доколку ги објави резултатите, како што најави, тоа би можело барем делумно да го разреши мистериозниот контекст на ова снимање.