Уште еден блескав успех за македонските млади таленти на меѓународната сцена. Младиот Македон се закити со највисоките признанија на натпреварот „Mathematics Olympiads for Elementary and Middle Schools“, каде што покажа исклучителни математички способности и доминираше во силна светска конкуренција.
Тој најпрво освои златен медал во екипна конкуренција, а потоа го забележа и највисокиот индивидуален резултат меѓу сите учесници на натпреварот. За своето извонредно достигнување беше награден со престижната George Lenchner Medal, признание што му се доделува на најуспешниот натпреварувач.
Во конкуренција од 56.913 ученици од САД и од други земји ширум светот, Македон се издвои како најдобар, потврдувајќи го својот исклучителен талент и знаење во математиката.
Овој успех е резултат на голема посветеност, труд и љубов кон науката, а воедно претставува и значајна промоција на Македонија на меѓународната образовна сцена.
