МАКЕДОН

Осумгодишниот генијалец Македон се сликаше со сребрениот медал од натпреварот „Математика без граници“

Осумгодишниот генијалец од Тетово Македон Димитровски се фотографираше со сребрениот медал добиен на годинешниот натпревар „Математика без граници“.Владимир Димитровски, татко на математичкиот гениј, преку социјалните мрежи ги објави неговите фотографиите со медалот, како и фотографија од сертификатот за освоено второ место на натпреварот.„Да ни се множат успесите“, напиша тој во својата објава.Натпреварот „Математика без граници“ се одржа на 13-ти февруари.Македон, досега на Македонија и донесе два златни медали по математика, а во рамки на кампањата „Вложуваме во млади таленти“ доби и финансиска поддршка. Јавноста го нарекува и „македонска гордост“ по сите успеси кои тој ги реди.

Магазин | пред 2 години

Сите се сликаа со Македон, сега го оставија со 0 поддршка, таткото на генијалецот говори за поразот од државата!

Го фалеа јавно за неговите успеси, организираа приеми и се фотографираа.Неколку месеци подоцна, домашните политичари заборавија на ветувањата кои му ги дадоа на малиот Македон Димитровски од Тетово, кој поради натпросечната интелигенција во јавноста стана познат како „чудото од дете“.Со своите вештини и способности Македон за кратко време ги освои симпатиите на сите, па за него се заинтересираа и од државните институции.Во продолжение го пренесуваме неговиот пост:„Денеска покрај медалот по математика добивме и голем пораз од државата. Имено, пред неколку месеци кога Македон ги освои првите златни медали по математика бевме повикани во Министерството за образование на прием кај министерот. Таму бевме дочекани со сите почести, многу сликање, поклони, како ранец и книги за Македон и најважното многу ветувања.– Прво дека ќе се среќаваме еднаш месечно за да видиме како напредува Македон и на кој начин тоа да се артикулира,– Беше ветено од страна на министерот дека ќе стапи во контакт со сите големи амбасади за да и тие помогнат во процесите на едукација на Македон,– Дека ќе се формира комисија што ќе направи програма за надарени деца за да може во иднина да ги едуцира овие деца,– Ни беше кажано дека има потенцијални спонзори кои сакаат да останат анонимни да финансираат неограницени средства во школувањето на Македон.И уште многу други работи …И сега после неколку месеци покрај многу повици од наша страна до истото тоа министерство, конечно ни кажуваат дека сето тоа било една голем фарса и дека од сето тоа што го ветиле нема ништо.Ни кажаа дека амбасадите не можеле да ги контактираат на соодветно ниво, туку во неформални контакти биле незаинтересирани, дека спонзорите одеднаш станаа незаинтересирани, а државата не може да инвестира во ваков тип на образование.Со еден збор добивме едно големо НИШТО на денот кога Македон го доби третиот медал по математика замислете, на светско ниво.Што треба едно дете со таков IQ и со такви успеси да направи за да добие поддршка од државата?Засега една големо 0“, се вели во реакцијата на неговиот татко.

Македонија | пред 3 години

(ВИДЕО) Македон има седум години, веќе е генијалец, а одржа и лекција за Македонската империја

„Македонската империја била една од најголемите империи во Европа, со површина од 5,2 милиони километри, поголема од Римската и од Отоманската империја“ – со овие зборови малиот Македон од Тетово го започнува своето излагање во видеото.Малиот генијалец од Тетово, Македон Димитровски (7) одржа лекција по историја на социјалните мрежи и уште еднаш импресионира со сопственото знаење.Тој уште еднаш покажа дека неговата желба за знаење не познава граници, па одлучи на дело да покаже што научил.Знаењето на Македон, кој во моментов говори 4 јазици (германски, англиски, кинески и арапски) оди дотаму што точно знае географски да објасни каде се наоѓала империјата и колкава површина зафаќала.Видеото во кое тој на англиски јазик говори за големината и пространоста на Македонската Империја, беше објавено на Фејсбук од страна на неговиот татко Владимир Димитровски.„Македонската Империја била една од најголемите империи во Европа, со површина од 5,2 милиони километри, поголема од Римската и од Отоманската империја.Земјата беше само една од двете земји во историјата што се протегала на три различни континенти, а тука спаѓаат Македонската Империја и Умејадскиот Калифат, кои што се протегале на територијата на Европа, Азија и Африка.Иако денес има земји што се протегаат на два континенти, како Панама, Русија, Египет и други, Македонија била посебна затоа што била 23-та најголема држава во историјата, а Омејадскиот калифат бил 10-ти по големина.Владетел на Македонската империја бил Александар Велики, но нешто се случило, навистина, не знам како се распаднала, но тоа била голема империја“ – вели Македон.За мало потсетување, Умејадски Калифат е вториот од четирите исламски калифати кои биле основани по смртта на пророкот Мухамед, воспоставен во 632 г.н.е. , а за време на најголемата експанзија тој се протегал на површина од 11 милиони и 100 илјади километри квадратни.

Актуелно | пред 3 години