Македонија го одбележува Светскиот ден на науката со рекордни 773 милиони денари за наука

Светскиот ден на науката за мир и развој – 10 Ноември, годинава се одбележува со зголемени инвестиции и напредок во научно-истражувачката дејност во Македонија.

— реклама —

Според оценката на Европската комисија во Извештајот за напредокот за 2026 година, постигнат е добар напредок во спроведувањето на Акцискиот план на Стратегијата за паметна специјализација. Како значајни чекори се посочуваат основањето и почетокот на работата на Агенцијата за иновации, научно-технолошки развој и претприемништво ИНОВА, како и продолжувањето на учеството во европските програми за наука и иновации.

— реклама —

Буџетот за наука годинава достигна рекордни 773 милиони денари, во споредба со 680 милиони денари минатата и 380 милиони денари пред две години. Минатата година биле поддржани околу 50 двегодишни научни проекти, кои сега се во завршна фаза.

— реклама —

За да се поттикне научната продукција, обезбеден е бесплатен пристап до меѓународните научни бази „Web of Science“ и „Scopus“. Министерството за образование и наука ги покрива и трошоците за објавување трудови во списанија со импакт-фактор, организација на домашни научни конференции, учество на меѓународни собири и објавување зборници.

— реклама —

Целта е да се зајакнат научно-истражувачките капацитети, да се зголеми влијанието на науката врз општеството и економијата и да се подобри позиционирањето на македонските универзитети на светските ранг-листи.