МОН

Буџетот за универзитетите скокна на 8 милијарди денари, најавени нови реформи во високото образование

Македонското високо образование со години не ги дава посакуваните резултати, а токму затоа се започнати суштински и системски реформи насочени кон подобрување на квалитетот на наставата, науката и условите за работа на академскиот кадар, порача министерката за образование и наука Весна Јаневска.Говорејќи на промоцијата на АРБУ – платформата за академско рангирање на балканските истражувачи и универзитети врз основа на цитираност на Google Scholar, иницијатива на проф. д-р Марјан Бојаџиев, Јаневска истакна дека паралелно се работи на унапредување на регулативата, зголемување на буџетот и обезбедување достоинствен третман на професорите.„Длабоко верувам дека имаме квалитетен професорски кадар. Само им треба мал поттик за да ги претворат предавањата во инспирација за студентите“, рече Јаневска.Според неа, поддршката ќе биде насочена кон подобрување на материјалните услови, стимулирање и наградување на наставно-научниот труд, професионален развој, меѓународна мобилност и јасни можности за кариерен напредок.Министерката посочи дека новиот Закон за високото образование ќе обезбеди академска автономија, транспарентни критериуми за евалуација и напредување, како и механизми за поддршка на младите истражувачи.„Поттикнуваме поголема научна продукција и меѓународна видливост, што носи повеќе студенти, дополнителни приходи, нови проекти и поквалитетна академска размена“, истакна таа.Јаневска нагласи дека реформите се проследени и со конкретна финансиска поддршка. Додека буџетот за високото образование во 2022 година изнесувал помалку од три милијарди денари, во 2026 година за универзитетите се издвоени осум милијарди денари. Буџетот за наука, пак, од 380 милиони денари во 2024 година е зголемен на 773 милиони денари во 2026 година.„И секоја година ќе расте. Само со силно единство можеме да изградиме високо образование какво што заслужуваат младите и Македонија“, порача министерката.На настанот се обрати и директорката на Агенцијата за квалитет во високото образование, Христина Серафимовска, а присуствуваа и најцитираните македонски научници Сашко Кедев и Веланд Рамадани, како и проф. д-р Ивица Пуљак од Хрватска, кој според платформата е меѓу најистакнатите научници во регионот.

Македонија | пред 7 часа

Јаневска задоволна од напредокот во образованието: Нов е-дневник, обуки за наставници и проширување на едносменската настава

Министерката за образование и наука Весна Јаневска оцени дека во изминатите две години се направени значајни чекори во унапредувањето на образовниот систем, посочувајќи дека едносменската настава останува еден од најважните проекти на Владата.Одговарајќи на прашање за резултатите од учебната година што завршува утре, Јаневска истакна дека биле надминати повеќе предизвици во образованието, почнувајќи од измените во законската регулатива, наставните планови и програми, па сѐ до обезбедувањето учебници.„Учебниците веќе не се и нема да бидат предизвик во иднина. Работевме и на дообуката на наставниците, која е неопходна за подобрување на образовниот процес, воведовме нов е-дневник кој одговара на барањата на наставниците и ја намаливме администрацијата“, изјави министерката.Таа нагласи дека резултатите од реформите не можат да се почувствуваат веднаш и дека е потребно време за да се видат нивните ефекти.Говорејќи за едносменската настава, Јаневска посочи дека повеќе од 200 училишта во државата веќе работат по овој модел.„Голем и многу значаен е проектот на едносменската настава. И Владата и локалните самоуправи посветуваат многу внимание на неговата реализација. Над 200 училишта веќе се преминати во едносменска настава и се надевам дека до крајот на мандатот ќе бидат барем двојно повеќе“, рече таа.Според министерката, во одредени општини како Ѓорче Петров и Аеродром, каде што бројот на ученици расте, ќе бидат потребни и дополнителни инвестиции за целосна реализација на овој концепт.

Македонија | пред 1 ден

МОН воведе AI асистент за поддршка при користење на Е-дневникот

Министерството за образование и наука, во соработка со Центарот за трансфер на технологии и иновации ИНОФЕИТ при Факултетот за електротехника и информациски технологии во Скопје, воведе AI асистент за поддршка на корисниците на Е-дневникот.Станува збор за напредно софтверско решение базирано на RAG (Retrieval-Augmented Generation) архитектура, кое е интегрирано во системот на Е-дневникот и овозможува интелигентно пребарување и генерирање прецизни одговори на прашањата на корисниците.Според МОН, четботот овозможува побрза и поефикасна обработка и структурирање на документацијата, создавајќи сеопфатна база на знаење за користење на системот на македонски и албански јазик.Новото решение треба да им овозможи на наставниците, училиштата и останатите корисници полесен пристап до релевантни информации и побрза техничка поддршка.Системот веќе е имплементиран и хостиран на безбедна облак-платформа, со вградени механизми за заштита и контрола на содржината, како и систем за мониторинг и оптимизација што овозможува следење на перформансите и анализирање на користењето.

Македонија | пред 5 дена

МОН ќе финансира 14 заеднички научни проекти со Австрија, по 10.000 евра за секој проект

Министерството за образование и наука ќе го поддржи спроведувањето на 14 заеднички научно-истражувачки проекти меѓу Македонија и Австрија, насочени кон области со значаен развоен потенцијал како што се паметното земјоделство, информациските технологии, енергетиката, одржливите материјали и туризмот.Денеска беа потпишани договорите со добитниците на финансиската поддршка, која изнесува по 10.000 евра, односно 600.000 денари за секој проект.Најголем број од поддржаните проекти, вкупно девет, ќе ги реализира Универзитетот „Свети Кирил и Методиј“ во Скопје, додека Универзитетот „Гоце Делчев“ од Штип ќе работи на три проекти. По еден проект добија и Меѓународниот Балкански универзитет и Приватниот институт за сеизмички отпорни градби и климатски промени од Скопје.Од избраните проекти, шест се од областа на инженерството и технологијата, пет од природно-математичките науки, два од земјоделските и ветеринарните науки и еден од општествените науки.Министерката за образование и наука Весна Јаневска истакна дека проектите се усогласени со приоритетите од Стратегијата за паметна специјализација и ќе придонесат за развој на клучни сектори за идниот економски раст.Проектите се избрани по јавен повик објавен во септември минатата година, на кој биле доставени 18 апликации. По заедничка евалуација од македонска и австриска страна, поддршка добиле 14 проекти, чија реализација ќе трае две години.Од академската заедница оценуваат дека поддршката е особено значајна поради можноста за воспоставување подлабока соработка со реномирани австриски универзитети и научни центри, што во иднина може да отвори пат и кон учество во поголеми европски програми и фондови, како што е „Хоризонт Европа“.Деканот на Градежниот факултет при УКИМ, Јосиф Јосифовски, посочи дека соработката со технички факултет во Виена ќе биде насочена кон истражувања поврзани со енергетската ефикасност на објектите и климатските промени, области кои добиваат сè поголемо значење на глобално ниво.

Македонија | пред 6 дена

МОН и ОБСЕ ги јакнат капацитетите на наставниците за интеркултурно образование и училишна кохезија

Педесет наставници од основните училишта низ државата добија сертификати за успешно учество на работилница посветена на интеркултурното образование, училишната кохезија и создавањето позитивна училишна средина. Сертификатите денеска ги доделија министерката за образование и наука Весна Јаневска и шефот на Мисијата на ОБСЕ во Скопје, Килијан Вал.Работилницата, организирана од Министерството за образование и наука и ОБСЕ, беше насочена кон развивање практични вештини кај наставниците за креирање активности што поттикнуваат поддршка, меѓусебно разбирање и почитување на различностите меѓу учениците.Во своето обраќање, Јаневска истакна дека образованието има клучна улога во градењето доверба, соживот и заеднички вредности, нагласувајќи дека училиштата треба да бидат места каде младите не само што стекнуваат знаења, туку и учат да се разбираат и почитуваат меѓусебно.„Со надградувањето на вашите вештини директно придонесувате за развој на емоционалната интелигенција, критичкото мислење и интеркултурните компетенции кај учениците. Различностите не се пречка, туку предност што создава нови перспективи и нè прави посилни како држава“, порача министерката.Таа потсети и на заедничките активности што МОН и ОБСЕ ги реализираат во рамки на интегрираното образование. Посочи дека оваа година е зајакната грантовата шема за меѓуетничка интеграција, при што се доделени 57 грантови – 39 за основни и 18 за средни училишта, со кои се реализираат работилници, едукативни, културни и спортски активности што ги поврзуваат младите од различни заедници.Шефот на Мисијата на ОБСЕ во Скопје, Килијан Вал, нагласи дека наставниците имаат клучна улога во создавањето безбедна и стимулативна средина во која се негуваат почитта, соработката и довербата.„Вашата улога оди многу подалеку од пренесувањето знаења. Со новите алатки и методологии сте уште подобро подготвени да создавате училишта во кои секој ученик ќе се чувствува прифатен, почитуван и безбеден“, истакна Вал.Обуката им овозможи на наставниците да развијат практични пристапи за поттикнување дијалог, мирно решавање конфликти и градење позитивни односи меѓу учениците, со цел создавање поинклузивни и покохезивни училишни заедници.

Македонија | пред 1 седмица

Јаневска: Интензивно се спроведуваат реформите во образованието и науката

Министерство за образование и наука денеска информираше дека продолжува интензивната трансформација на образовниот и научно-истражувачкиот систем во насока на усогласување со европските стандарди, подобрување на квалитетот и јакнење на институционалната поставеност.На 18. состанок на Секторската работна група за образование, вработување и социјална политика, министерката Весна Јаневска истакна дека приоритет се реформите кои произлегуваат од Реформската агенда 2024-2027, Планот за раст на Европска Унија за Западен Балкан и стратешките приоритети на Владата во областа на човечкиот капитал.„Продолживме со инвестициите во модернизација на образованието, дигитализација и подобрување на инфраструктурата, како и со зголемување на инклузивноста и поддршката на наставниот кадар“, изјави Јаневска.Според неа, новата законска рамка за високото образование и научно-истражувачката дејност треба да обезбеди повисоки стандарди, интернационализација и поголема видливост на македонските универзитети и научни институции.Министерката посочи дека трите нови закони – за високото образование, за обезбедување и унапредување на квалитетот во високото образование и за научно-истражувачката дејност – се подготвени низ инклузивен процес и наскоро ќе се најдат пред пратениците.Дополнително, Министерството работи и на отворање на првиот државен Научно-технолошки парк, како и на нов закон за Националната агенција за програмите Еразмус+.Во тек е и подготовка на нов Закон за средно образование, со фокус на јакнење на стручното образование и дуалниот модел, во кој активно учествуваат повеќе од 800 компании. Наскоро се очекува одлука и за формирање на осмиот регионален центар за стручно образование и обука.Од март годинава, платите на вработените во училиштата се зголемени за дополнителни 7,5 проценти, со што кумулативното зголемување во последните две години надминува 20 проценти.Во делот на инфраструктурата, активни се околу 50 инвестиции вредни над 60 милиони евра, а 160 училишта се опремени со безбедна безжична мрежа и модерна ИТ-опрема.На состанокот било оценето дека реформите во образованието и науката се дел од поширок процес на европска интеграција, институционална модернизација и создавање поквалитетен систем за идните генерации.

Македонија | пред 2 седмици

Казна од 250 евра за родителите на децата насилници и родителите кои одбиваат соработка со училиштето и надлежните институции, најави Јаневска

Министерката за образование и наука Весна Јаневска, потврди дека со законски измени ќе се воведе глоба од 250 евра за родителите чии деца вршат насилство во училиштата, но и за оние кои одбиваат соработка со училиштето и надлежните институции.Министерката денеска изјави дека државниот секретар е во постојан контакт со пратениците и дека во Собранието веќе се дооформуваат предлозите за измените на Законот за основно образование.„Веќе е донесена одлука, тие измени ќе се направат и останува глобата од 250 евра за секое сторено насилно дело на детето да биде казнет родителот, но и тоа што е многу важно – и кога родителот ќе одбие да соработува со училиштето и другите институции“, рече Јаневска.Измените се најавуваат по серијата случаи на врсничко насилство што ја вознемирија јавноста, меѓу кои и случајот во основното училиште „25 Мај“ во скопската населба Ченто, каде 15-годишен ученик беше повреден со остар предмет.Јаневска посочи дека целта е да се создаде побезбедна училишна средина и да се зголеми одговорноста на сите инволвирани во воспитно-образовниот процес.

Македонија | пред 3 седмици

УГД Штип ќе биде домаќин на престижна летна школа за млади научници и истражувачи од Западен Балкан

Министерство за образование и наука соопшти дека Универзитет „Гоце Делчев“ Штип ќе биде домаќин на престижна летна школа за млади научници и истражувачи од Западен Балкан, организирана под покровителство на Заеднички истражувачки центар на Европската комисија.Летната школа, со наслов „Наука од европски ранг за заштита на животната средина“, ќе се одржи од 14 до 18 септември, а фокусот ќе биде ставен на проценка на загадувањето на водата, воздухот и почвата.Министерката Весна Јаневска ги повика младите научници и истражувачи од Македонија, студентите на втор и трет циклус студии, како и надарените студенти на додипломски студии, да се пријават за учество.„Овој центар е внатрешната научна служба на Европската комисија, која ги обезбедува клучните докази за креирање на европските политики“, истакна Јаневска, додавајќи дека школата претставува можност врвното европско знаење директно да се пренесе во регионот.Ректорот на УГД, Дејан Мираковски, информираше дека бројот на учесници е ограничен на 25 лица од Македонија, Албанија, Босна и Херцеговина, Косово, Црна Гора и Србија.Учеството ќе биде бесплатно, а Заедничкиот истражувачки центар ќе обезбеди финансиска поддршка за патување и сместување за првите 10 најдобро рангирани кандидати. Досега се пријавени 32 кандидати, од кои седум се од Македонија.Ова ќе биде првпат Македонија да биде домаќин на ваква летна школа, која се организира на секои две години.

Македонија | пред 3 седмици

МОН со поддршка од Македонски Телеком етапно ќе воведува дигитални свидетелства

Министерството за образование и наука информираше дека од крајот на тековната учебна година учениците од прво до трето одделение, покрај хартиените, за првпат ќе добијат и дигитални свидетелства.Од МОН велат дека станува збор за дел од процесот на дигитализација и модернизација на образованието, реализиран со поддршка од Македонски Телеком.Министерката Весна Јаневска изјави дека дигиталните свидетелства ќе имаат иста важност како и хартиените документи и постепено ќе ги заменуваат, со што ќе се олесни административната работа во училиштата и ќе се намалат трошоците за печатење.Како дел од проектот, Македонски Телеком донирал електронски потписи за сите 368 основни училишта во државата, што ќе овозможи побрзо и поефикасно издавање на дигиталните документи.Од компанијата посочуваат дека дигитализацијата на образованието е една од најважните инвестиции за иднината на државата и дека ќе продолжат да ги поддржуваат процесите за модернизација на образовниот систем.Со воведувањето на дигиталните свидетелства, учениците и нивните семејства ќе имаат полесен пристап до документите, додека училиштата ќе добијат трајна електронска архива. Во наредните години, системот постепено ќе се проширува и за учениците од повисоките одделенија.

Македонија | пред 3 седмици

Јаневска: Буџетот за наука е двојно зголемен во 2026 година

Весна Јаневска, министерка за образование и наука, изјави дека Владата и Министерство за образование и наука продолжуваат со зголемување на средствата за научно-истражувачка дејност и создавање нова регулаторна рамка за поддршка на науката.На научна конференција организирана од Институт за македонска литература при УКИМ, Јаневска истакна дека приоритет е создавање целосен систем за поддршка на науката преку современи лаборатории, фондови за иновации, програми за млади истражувачи и јасни правила.„Најдоброто што можеме да го направиме за нашите деца и за нашата иднина е постојано да ги зголемуваме средствата за научно-истражувачка дејност“, рече Јаневска.Таа информираше дека буџетот за наука во 2026 година е двојно зголемен во споредба со 2024 година и изнесува над 770 милиони денари, при што најголем дел од средствата се наменети за научно-истражувачки проекти од национален интерес.Министерката посочи и дека е изготвен нов Предлог-закон за научно-истражувачка дејност, кој заедно со законите за високо образование и обезбедување квалитет во високото образование наскоро треба да влезе во собраниска процедура.Според Јаневска, базите „Web of Science“ и „SCOPUS“ се бесплатно достапни за научниците и истражувачите од јавните високообразовни и научни установи, а земјата и натаму има пристап до меѓународни програми за наука, меѓу кои и Хоризонт Европа.Конференцијата беше организирана и по повод 45 години од основањето на Институтот за македонска литература.

Македонија | пред 4 седмици

Над 70 проценти од деветтооделенците се запишуваат во стручни училишта - „Занаетите имаат иднина, стручното образование станува сè поатрактивно" , вели Јаневска

Министерство за образование и наука информира дека во АСУЦ „Боро Петрушевски“ денеска и утре се одржува Национален натпревар на вештини, наменет за ученици од средните стручни училишта.Настанот е во организација на Занаетчиска комора Скопје со поддршка на Европска Унија, а на отворањето присуствувале министерката за образование и наука Весна Јаневска, амбасадорот на ЕУ Михалис Рокас, градоначалникот Орце Ѓорѓиевски, директорот на Центарот за развој на стручно образование и обука Бесник Зендели и претседателот на Комората Горан Ристовски.Јаневска истакна дека јакнењето на стручното образование е стратешки важно во услови на глобален недостиг на вештини и потреба од одржлив економски раст.„Со озаконувањето на дуалното образование ги регулиравме односите меѓу средните училишта и бизнис секторот. Достигнавме бројка од 800 работодавачи кои им овозможуваат на учениците да учат на вистински работни места“, рече Јаневска.Таа најави дека со новиот Закон за високото образование ќе се овозможи и високо дуално образование, со цел создавање професионалци кои ќе комбинираат практични вештини и академско знаење.Според податоците на МОН, во моментов стручно образование се реализира во 76 јавни средни училишта, а речиси 70 проценти од деветтооделенците годинава се запишале во стручни училишта.За учебната 2026/2027 година се обезбедени повеќе од 25 илјади места за упис во прва година, од кои 17 илјади во стручно образование, а речиси 7 илјади во дуални паралелки.Меѓу новите образовни профили се Техничар за мултимедиски технологии, Компјутерски техничар за развој на видеоигри и виртуелна реалност и Техничар за енергетски ефикасно греење и климатизација.„Средното стручно образование е навистина успешен модел на образование во Македонија. Занаетите имаат иднина, или како што популарно се вели – занаетите злато вредат“, додаде Јаневска.

Македонија | пред 4 седмици

МОН со системски пристап одговара на предизвикот на вештачката интелигенција во образованието, вели Јаневска

Министерката за образование и наука Весна Јаневска истакна дека Министерството за образование и наука (МОН) со системски пристап одговара на предизвиците што ги носи вештачката интелигенција во образованието, нагласувајќи дека таа веќе станува дел од секојдневието во училиштата.На панел-дискусијата во рамки на кампањата „Магијата е во знаењето“, посветена на улогата на вештачката интелигенција во наставниот процес, Јаневска порача дека клучното прашање денес не е дали технологијата ќе влијае врз образованието, туку како ќе се насочува тој процес.Таа нагласи дека МОН континуирано ги следи современите трендови и спроведува анализи и мерки за прилагодување на образовниот систем, со посебен акцент на обуките за наставниот кадар, со цел нивна подготовка за новите дигитални алатки.На настанот, на кој учествуваа професори, наставници и претставници од технолошкиот сектор, беше истакнато дека вештачката интелигенција веќе го менува пристапот на учениците кон знаењето, но дека паралелно се наметнува потребата од развивање на критичко размислување и правилна употреба на технологијата.Наставниците посочија дека учениците сè почесто користат дигитални алатки, што ја прави наставата поинтерактивна, но и бара постојано прилагодување на методите на работа.Посебен момент на дискусијата беше учеството на 11-годишниот ученик Македон Димитровски, кој беше посочен како пример за детски потенцијал и интерес за знаење во дигиталната ера.Со оваа панел-дискусија завршува серијата на настани во рамки на кампањата „Магијата е во знаењето“, чија цел е подигнување на свеста за важноста на образованието и улогата на наставниците во современото општество.

Македонија | пред 1 месец

Јаневска: Заедно со партнерите продолжуваме да го унапредуваме стручното образование и да го поврзуваме со бизнис заедницата

Министерката за образование и наука Весна Јаневска изјави дека институциите, во соработка со партнерите, продолжуваат со унапредување на стручното образование и негово поврзување со бизнис секторот, на настан во Стопанската комора на Македонија каде беа доделени грантови од Регионалниот фонд за предизвици, како што наведуваат од Министерството во соопштение.На настанот беше доделен грант од околу 500 илјади евра за проектот „Паметна обука во преработката на производи од млеко и месо“, кој ќе го реализираат Земјоделскиот факултет при Универзитетот „Гоце Делчев“ во Штип и средното училиште „Кочо Рацин“ од Свети Николе, во соработка со шест компании. Со овие средства ќе се изгради и опреми современ центар за обука, ќе се подготват наставни програми и ќе се поддржат квалификации за млекопреработувачи и преработувачи на месо, стои во соопштението.Јаневска нагласи дека дуалното образование во земјава покажува значајни резултати, со активно учество на училиштата, факултетите и компаниите, како и со практична обука за учениците под менторство. Таа посочи дека целта е да се одговори на предизвиците на пазарот на труд, како што се недостигот на вештини и младинската невработеност, и да се зголеми конкурентноста на домашните компании, стои во соопштението.Од Министерството во соопштението посочуваат дека според министерката, реформите во образованието се интензивираат, а обврската до крајот на 2026 година да се вклучат 700 компании во дуалното образование веќе е надмината, со повеќе од 800 активни компании. Таа најави дека бројот ќе продолжи да расте, бидејќи компаниите ги препознаваат придобивките од директно вклучување во образовниот процес.Јаневска истакна дека интересот кај учениците исто така се зголемува, при што 66 проценти од средношколците се запишани во стручно образование, а околу 30 проценти од нив следат дуален модел, стои во соопштението.Дополнително во соопштението е најавено дека со новиот закон за високото образование, дуалниот пристап ќе се прошири и на универзитетите, овозможувајќи практичната настава да се реализира во соработка со компании и под менторство од стручни лица.Регионалниот фонд за предизвици, кој ги финансира овие проекти, има за цел да ја зголеми конкурентноста на претпријатијата во регионот преку инвестиции во образование и инфраструктура. Досега, преку фондот се поддржани 17 проекти во земјава со вкупна вредност од над 7,6 милиони евра, стои во соопштението.

Македонија | пред 1 месец

Во Штип ќе се гради универзитетски фузиран центар за сајбер безбедност

Во Штип, на Универзитетот „Гоце Делчев“, ќе се гради универзитетски фузиран центар за сајбер безбедност, чиј почеток на активностите денеска беше најавен од страна на министерката за образование и наука Весна Јаневска и министерот за дигитална трансформација Стефан Андоновски, во присуство на в.д. шефицата на мисијата на Амбасадата на САД Никол Варнс, ректорот проф. д-р Дејан Мираковски и координаторот на проектот проф. д-р Методи Хаџи Јанев, стои во соопштението од МОН.Според министерката Јаневска, во услови на зголемена дигитализација, вложувањето во сајбер безбедност и дигитална отпорност претставува стратешки приоритет. Таа нагласи дека проектот е дел од визијата за создавање поотпорни институции и кадри способни да одговорат на современите сајбер закани, стои во соопштението.Таа посочи дека Македонија се позиционира како земја во регионот со капацитет за имплементација на ваков проект, а идниот центар во Штип, како што истакна, ќе биде поврзан и со Албанија и Црна Гора, со што ќе прерасне во регионален хаб за знаење, образование и истражување во областа на сајбер безбедноста, како што е наведено во соопштението.Од Министерството за образование и наука во соопштението информираат дека се работи на систематско развивање на дигитални вештини уште од најраните образовни нивоа, при што сајбер безбедноста се воведува како клучна компетенција во основното и средното образование.Како дел од активностите, со поддршка од меѓународни партнери се спроведуваат програми за зајакнување на капацитетите, меѓу кои водич за препознавање на сајбер-насилство, клубови за сајбер безбедност во средните училишта и обуки за наставници и советници, стои во соопштението.Министерката Јаневска информираше и дека повеќе од 100 училишта се опремени со безбеден безжичен интернет кој овозможува заштита од сајбер напади и ограничен пристап до небезбедни содржини, како што е наведено во соопштението од МОН.Проектот е поддржан од Бирото за Европа и Евроазија при американскиот Стејт департмент, а неговата реализација ја спроведува CRDF Global, во рамки на програмата за сајбер безбедност и дигитална отпорност на земјите од Западен Балкан, стои во соопштението.

Македонија | пред 1 месец

Нова лабораторија за претклинички вежби на Стоматолошкиот факултет при УКИМ

На Стоматолошкиот факултет при Универзитетот „Св. Кирил и Методиј“ во Скопје е пуштена во употреба нова лабораторија за претклинички вежби на студентите, стои во соопштение од Министерството за образование и наука.Според соопштението на МОН, инвестицијата изнесува 10 милиони денари, а средствата се обезбедени по половина од Министерството за образование и наука и Универзитетот „Св. Кирил и Методиј“.На отворањето присуствуваше министерката за образование и наука Весна Јаневска, која, како што стои во соопштението на МОН, изрази задоволство од динамиката на модернизација на високото образование и истакна дека подобрената инфраструктура е клучна за поквалитетна настава и научно-истражувачка работа.Јаневска нагласи дека зголемената активност во оваа област е резултат на заедничките заложби на високообразовните установи и државната поддршка, стои во соопштението на МОН, додавајќи дека буџетот за универзитетите годинава надминува 7,5 милијарди денари, што е значително зголемување во однос на 2023 година.Таа најави и дека новиот Предлог-закон за високо образование наскоро ќе влезе во собраниска процедура и дека ќе придонесе за унапредување на правата и можностите на студентите и професорите, стои во соопштението на МОН.

Македонија | пред 1 месец

Јаневска: Силна поддршка од Словенија за зајакнување на образованието на медицинските сестри и акушерките по европски стандарди

Партнерството со Словенија преку проектот „Зајакнување на образованието и професионалната регулатива за медицински сестри и акушерки во Македонија“ продолжува и во периодот 2026–2028 година, се наведува во соопштение од Министерството за образование и наука.Во соопштението, министерката Весна Јаневска истакнува дека Словенија дава силна поддршка за интеграцијата на Македонија во Европската Унија, преку конкретна соработка во образованието и здравството и пренесување на добри практики.Како што се наведува во соопштението, во изминатиот период биле поставени основи за реформи во образовните програми за сестринство и акушерство, со цел унапредување на здравствениот кадар и усогласување со европските стандарди.Во соопштението се пренесува дека е изготвена модернизирана и унифицирана додипломска програма за медицински сестри и акушерки, како и дека се работи на можностите за развој на магистерски студии во оваа област.Според министерката, новите законски решенија ќе овозможат подобрување на кариерните патеки, повисоки плати и задржување на кадарот во државата, стои во соопштението.Во соопштението се наведува и дека проектот го спроведува Центарот за европска перспектива со учество на повеќе меѓународни организации и стручни институции.

Македонија | пред 1 месец

МОН: Се проширува капацитетот на ОУ „Крум Тошев“ во Гази Баба

Министерството за образование и наука соопшти дека се проширува капацитетот на основното училиште „Крум Тошев“ во општина Гази Баба, во рамки на инвестиции насочени кон подобрување на образовната инфраструктура во земјата, се наведува во соопштението од Министерството за образование и наука.Министерката за образование и наука Весна Јаневска, заедно со градоначалникот на општината Бобан Стефковски, извршила увид во градежните активности во училиштето во селото Трубарево. Проектот, вреден 23 милиони денари, е финансиран од Владата,стои во соопштението од Министерството за образование и наука.Како што е наведено во соопштението од Министерството со проширувањето се предвидува доградба на три училници и санитарни јазли, како и зголемување на просторот на наставничката канцеларија и училишната менза. Според надлежните, инвестицијата треба да биде завршена на почетокот на следната година и е дел од поширока програма со која се финансираат над 80 инфраструктурни проекти во училиштата,Јаневска истакнала дека вложувањата се реализираат рамномерно на територијата на државата, без разлика на урбани или рурални средини, со цел да се обезбедат еднакви услови за сите ученици. Таа, исто така, потсети дека уписите на првачиња започнуваат во мај и апелираше за почитување на реонизацијата при запишување во основните училишта, како што се наведува во соопштението од Министерството за образование и наука.

Скопје | пред 1 месец

По повод 21 Април – Светскиот ден на креативноста и иновациите, во Скопје се одржува креативен настан за ученици „Од предизвик до иновација“

По повод 21 Април – Светскиот ден на креативноста и иновациите, во Скопје се одржува креативен и едукативен настан за ученици од основните училишта, на кој тие предлагаат решенија за таканаречени „зелени предизвици“, информираат од Министерството за образование и наука во соопштение.Настанот „Зеленикс – од предизвик до иновација“ е организиран од Агенцијата за иновации, научно-технолошки развој и претприемништво – ИНОВА, а на него присуствувале и се обратиле директорката Даниела Димовска и министерката за образование и наука Весна Јаневска, се наведува во соопштението.Министерката Јаневска истакнала дека преку вакви иницијативи институциите ги поттикнуваат младите да се вклучат во решавање на глобалните предизвици и да создаваат одржливи решенија што го подобруваат животот, без да ѝ наштетат на животната средина, стои во соопштението.Таа нагласила дека креативноста, љубопитноста и иновативноста се клучни одлики на младите, а улогата на институциите и наставниците е да ги насочат и поддржат во нивниот развој, како што се посочува во соопштението.Во рамки на образовните политики, како што изјавила Јаневска, се прават напори за поттикнување на критичкото размислување и иновациите преку модерни наставни програми, опремување на училиштата и зголемени инвестиции во науката, се наведува во соопштението.Дополнително во соопштението, се истакнува дека на учениците им се отвораат можности за учество во меѓународни програми како „Хоризонт Европа“, „Еразмус+“ и „ЦЕЕПУС“, што придонесува за нивен развој и вклучување во глобални образовни процеси.Министерката ги повикала младите да бидат посветени и креативни, нагласувајќи дека секој успех започнува со мал чекор и дека токму ваквите настани се можност за нивен напредок, се вели во соопштението.Светскиот ден на креативноста и иновациите е прогласен од Обединетите Нации и за првпат е одбележан во 2018 година.

Македонија | пред 1 месец

За првпат обезбеден учебник „Јазик и култура на Ромите“ за 6-то одделение

Министерството за образование и наука (МОН) за прв пат обезбеди учебник по изборниот предмет „Јазик и култура на Ромите“ за учениците од 6-то одделение, што претставува значаен исчекор во унапредувањето на образованието на ромската заедница.Оваа новина следува по измените во Законот за учебници во основното и средното образование, со кои се овозможи проширување на наставните материјали и за повисоките одделенија. Досега учениците од ромската заедница имаа учебници за овој предмет само од 3-то до 5-то одделение, а со новиот учебник, автор Даниел Петровски, се создава континуитет во изучувањето на сопствениот јазик и култура. Во моментов е во тек е подготовка на учебник и за 7-мо одделение.Паралелно, МОН донесе Правилник за формирање на групи со помалку од 15 ученици од исто одделение, со цел и помалите групи да имаат можност за изучување на јазикот и културата на заедницата, согласно член 53 став (9) од Законот за основното образование. Во моментов изборниот предмет „Јазик и култура на Ромите“ го следат над 2.300 ученици во 13 основни училишта во 7 општини низ државата.Министерството за образование и наука го честита 8 Април – Меѓународниот ден на Ромите, и истакнува дека ќе продолжи со имплементација на политики кои овозможуваат образовна еднаквост, зачувување на културниот идентитет и подобрување на пристапот до квалитетно образование за учениците од ромската заедница.

Македонија | пред 2 месеци

Заврши темелната реконструкција на Регионалниот центар за стручно – образование и обука „Моша Пијаде“ во Тетово

Регионалниот центар за стручно образование и обука „Моша Пијаде“ во Тетово доби нов лик. Заврши реконструкцијата и опремувањето на сите објекти во рамки на ова државно училиште во кое се реализира образовен процес во повеќе струки – машинство; електротехника; угостителство и туризам; земјоделство, рибарство и ветеринарство; и сообраќај, транспорт и складирање. Инвестицијата е во вредност од речиси 5 милиони евра, кои се обезбедени од државниот буџет, а ќе бидат рефундирани од Европската унија.Училиштето денес го посетија министерката за образование и наука проф. д-р Весна Јаневска, заедно со претседателот на Владата, проф. д-р Христијан Мицкоски, евроамбасадорот Михалис Рокас и градоначалникот на Тетово, Биљал Касами.„Сите стари објекти на кои верувам тетовци и минатите генерации се сеќаваат во каква форма беа, сега се трансформирани во модерни простории, одлично се опремени со училишна, информатичка и електромеханичка опрема и нивото на квалитет на воспитно – образовниот процес е значително подигнато. Очекувам училиштето да продолжи да создава уште подобро подготвени и потребни стручни кадри кои ќе се вклучуваат во општествените процеси, во индустријата и економијата“, рече Јаневска.Министерката нагласи дека со заокружувањето на оваа крупна инфраструктурна инвестиција во образованието, всушност е реализирана и една од обврските на државата предвидени во Реформската агенда.„Имаме задача до крајот на 2027 година да основаме 8 регионални центри за стручно образование и наука и да им обезбедиме квалитетни услови за наставен процес. Со задоволство споделувам дека 7 се основани и од нив, 3 веќе функционираат одлично. Меѓу нив е и ова училиште, за што сакам да упатам благодарност до Европската унија која финансиски ни помага да ја оствариме целта, до Владата што исто така во последните две години за ресорот образование одвојува најмногу пари досега и до бизнис заедницата која се вклучува во реализација, развој и промоција на стручното образование во кое е всушност иднината на младите и воопшто на државата“, додаде Јаневска.Регионалниот центар за стручно образование и обука „Моша Пијаде“ во Тетово има пет објекти во состав и сите се темелно реконструирани. Поставена е нова енергетски ефикасна фасада, нова кровна конструкција, заменети се вратите и прозорците и обезбедена е пристапност за лица со посебни потреби во двата главни објекта. Во училиштето има над 1000 ученици и 150 наставници.

Македонија | пред 2 месеци

Рокот за субвенциониран студентски оброк истекува на 5 март

Студентите имаат рок до 5 март да аплицираат за субвенциониран студентски оброк за академската 2025/2026 година, информира Министерството за образование и наука.Правото на субвенциониран студентски оброк може да го користат сите редовни студенти на додипломски студии кои имаат месечен приход помал од минималната нето-плата, како и студентите запишани на постдипломски и на интегрирани студии на државните и приватните универзитети во земјава.Од Министерството појаснуваат дека студентите што ги исполнуваат условите, а досега не аплицирале, можат електронски да поднесат барање преку порталот: https://e-uslugi.mon.gov.mk, каде што се објавени и сите критериуми за остварување на правото, како и контактите за поддршка при аплицирањето.Можност за повторно аплицирање имаат и студентите на кои им било прекинато правото на субвенциониран оброк, доколку сметаат дека ги исполнуваат условите. Овој рок важи и за оние кои не поднеле апликација во претходните активни рокови.

Македонија | пред 3 месеци

Јаневска: Новиот закон не дискриминира, туку воведува меритократија

Министерката за образование и наука, Весна Јаневска, порача од собраниската говорница дека е „крајно време универзитетите и општеството да склучат договор дека ќе работат во полза на младите луѓе кои ќе останат да ја развиваат државата“, бранејќи го новиот Предлог-закон за високото образование.Според неа, законското решение не дискриминира ниту еден универзитет, туку воведува меритократски принципи, модуларност на студиските програми, повеќе практична настава, интернационализација и поголема вклученост на бизнис-заедницата во креирањето и евалуацијата на наставните содржини. Целта, како што истакна, е студиските програми да се усогласат со потребите на пазарот на трудот и да се развијат вештини што досега недостасувале во земјата.Во однос на условот за објавување научни трудови во меѓународните бази „Веб оф сајенс“ и „Скопус“, Јаневска нагласи дека станува збор за критериум кој важи подеднакво за сите универзитети, па оттука не може да се толкува како дискриминаторски.Министерката информираше дека в петок ќе заседава работната група за Законот за високото образование, која ќе одлучува по забелешките доставени во јавната расправа, додавајќи дека дел од предлозите веќе се имплементирани во текстот.Осврнувајќи се на реакциите за можен удар врз автономијата на универзитетите, Јаневска посочи дека со новото законско решение не се задира во автономијата, туку се активира Советот на универзитетите – тело предвидено и во претходниот закон, но никогаш формирано.Според неа, улогата на Советот ќе биде отчетност и надзор над користењето на јавните средства, следење на исполнувањето на плановите што самите универзитети ќе ги предлагаат, како и обезбедување усогласеност со правниот систем.Во врска со одредбата која му дава право на министерот да запре одлука на Сенатот доколку утврди дека е спротивна на закон, Јаневска рече дека тоа ќе се применува под строго пропишани услови, а дополнително побарала од правни експерти да ја доразработат формулацијата за да се избегнат нејаснотии.„Универзитетот нема задача само да создаде добар стручњак, туку и одговорна морална личност. За тоа да биде возможно, мора да го зголемиме квалитетот на високото образование“, нагласи Јаневска, додавајќи дека постои државен консензус за потребата од реформи.

Македонија | пред 3 месеци

МОН почнува јавна расправа со професорите за реформите во високото образование

Министерството за образование и наука од денеска започнува посети на универзитетите низ земјава во рамки на јавната расправа за новиот Закон за високо образование.Како што најави министерката за образование и наука Весна Јаневска, ќе се одржат средби со професори и академски кадар кои сакаат да присуствуваат на јавната расправа, при што ќе се дискутираат спорните членови од законското решение.Таа изјави дека јавната дебата сè уште трае и дека Министерството очекува официјални забелешки од универзитетите. Дел од коментарите, како што посочи, веќе пристигнуваат преку системот ЕНЕР и по електронска пошта, но се очекуваат и интегрирани ставови од високообразовните институции.Јаневска нагласи дека сите разумни предлози ќе бидат прифатени, додека за прашањата што може да предизвикаат проблем ќе се води дополнителна дискусија со академската заедница. Според неа, во најголем дел нема сериозни забелешки, а како спорни остануваат само неколку членови за кои треба да се постигне договор.Министерката порача дека државата мора да направи сериозен исчекор во образованието и науката и дека повеќе нема простор за просечни резултати. Таа истакна дека Министерството ќе продолжи законски и финансиски да го поддржува напредокот во овие области.

Македонија | пред 3 месеци

Второто полугодие за учениците почнува на 20 јануари, потврди министерката Јаневска

Учебната година во сите основни и средни училишта на територија на цела држава почнува на 20 јануари, потврди денеска министерката за образование и наука Весна Јаневска која беше во посета на Универзитетот „Гоце Делчев“ (УГД)-Штип.– Вчера веќе имавме изјава од Министерството за здравство и од Институтот за јавно здравје дека нема да има пречки за новата учебна година. Апелирам до родителите, учениците да се редовни во училиштето и што е можно поретко да изостануваат. Затоа што сите испитувања и во Македонија и секаде во светот велат дека учениците, кои редовни ги посетуваат училиштата постигнуваат подобри резултати – вели Јаневска.Таа во својот апел до родителите порача да престанат со праксата да ги оправдуваат часовите и да не им дозволуваат на своите деца одмори во текот на учебната година и како што рече „децата треба да се од првиот до последниот ден на училиште, освен кога државата заради некаква поголема сила ќе одлучи дека тоа не треба да се случи“.

Македонија | пред 4 месеци

На „Ѕид на срамот“ плагијатите и неквалитетните магистерски и дипломски трудови

Министерката за образование и наука Весна Јаневска најави дека ќе има нов софтвер за plagijati.mon.gov.mk – алатката за откривање препишани трудови и најави т. н. „ѕид на срамот“ на кој ќе се објавуваат несоодветни трудови затоа што, како што рече, на разни универзитети поминуваат магистратури и докторати кои се на ниво на ученички трудови.,,Кога на страниците ќе излезе оглас дека некој пишува магистерска за 300 евра е работа на полиција и на инспекцијата. Ги земаме добрите практики од таму каде што постојат, е првиот чекор. Вториот чекор за кој треба малку време е магистериумите и докторатите што ќе се работат да одат на оглас за студенти.Кај нас вообичено менторите ја нудат темата. Имаат проект, па им нудат на студентите. Иако има студенти кои доаѓаат со одредени теми, но не секогаш може да се изведат.Но, добрите пракси и за иновации на големи познати универзитет велат дека Министерството, Фондот, оддел за наука, како и да се вика објавува огласи за тоа што и е потребно на земјата.Тие го објавуваат огласот, финанасираат, а студентите и професорите се јавуваат. о. Се зборува дека на разни универзитети, на разни факултети поминуваат магистерски и докторати кои се на пониско ниво, ќе ги објавиме. Тогаш, академската заедница, една и единствена, ќе може да критикуваат тие што треба да критикуваат или да се правдаат. Мене би ми било срам да ставам потпис на нешто што не е вредно. Има такви луѓе. Кога ќе биде се јавно, ќе почнат поинаку да се однесуваат, во тоа сум длабоко убедена“, рече министерката Јаневска.

Македонија | пред 5 месеци