МОН

Постои надеж дека учениците од прво до петто ќе добијат учебници пред второтополугодие

Постои надеж дека учениците од прво, второ, четврто и од петто одделние во основните училишта ќе добијат учебници пред второто полугодие. На стартот од учебната година, министерот за образование и наука, Јетон Шаќири, посочи дека уште не е избрана фирма која ќе ги печати. За новинарското прашање за тоа чија е одговорноста што ова не е направено пред почетокот на годината, министерот одговори: „Вашето прашање е тенденциозно“.„Кога ќе поставите друг пат прашање, ќе треба да знаете и одговор. Не е избран економскиот оператор. До учениците се доставени учебници и материјали. Тоа значи дека учениците кои учат оваа година, во брз рок ги имаат добиено учебниците за 6,7,8,9 одделение. За децата (од прво до петто одделение) да немаат товар во нивниот фамилијарен буџет, има подготвителни материјали кои се доставуваат навремено. Некаде се доставени, некаде ќе бидат доставени“, посочи Шаќири.Тој посочи дека постапката за печатење на книгите за четири предмети, кои сега ги нема, меѓу кои се и за македонски јазик и математика, е започната навреме. За материјалите кои се делат на учениците, а треба во првото полугодие да ги заменат ученибиците, Шаќири додаде: „Материјалот е подготвен според учебната програма“.

Македонија | пред 3 години

МОН ќе потроши 21,8 милиони денари за реконструкција на ООУ „Сабедин Бајрами“

Обезбедувањето добри услови за одвивање на воспитно-образовниот процес влијае врз квалитетот на образованието, велат од министерството за образование и наука.„Во ООУ „ Сабедин Бајрами" во село Камењане, општина Боговиње во тек е реконструкција што опфаќа изведба на санитарии, кров и нова фасада што ќе биде енергетски ефикасна, а инвестицијата е во вредност од 21,8 милиони денари.Во рамки на градежните работи, училиштето ќе добие и пристапна рампа, со што децата со посебни потреби добиваат можност да се движат без туѓа помош.Министерството за образование и наука континуирано го поткрева нивото на инклузивност на образовниот систем, затоа што секое дете има право на образование без дискриминација“, стои во соопштението.

Македонија | пред 3 години

Продолжуваат преговорите помеѓу СОНК и Министерството за образование и наука

Денеска продолжуваат преговорите помеѓу Синдикатот за образование, наука и култура (СОНК) и Министерството за образование и наука (МОН) за платите на просветните работници, откако во средата не беше постигнат напредок.Претседателот на СОНК, Јаким Неделков, тогаш рече дека на состанокот биле дискутирани, анализирани и аргументирани сите прашања врз основа на нивните барања.Минатата недела штрајкот на вработените во образованието беше ставен во мирување.Рокот за медијација е десет дена за усогласување на ставовите.

Македонија | пред 4 години

МОН: Прекин на воспитно-образовната работа не смее да има

Министерството за образование и наука ја известува јавноста дека и од понеделник, за кога е најавен штрајкот од страна на раководството на Синдикатот за образование, наука и култура – СОНК, основните и средните училишта ќе продолжат да работат, односно ќе примаат ученици и ќе организираат воспитно – образовен процес.Правната регулатива во оваа област ги штити интересите и на учениците. Согласно законите за основно и средно образование, воспитно-образовната работа мора да се реализира во текот на целата наставна година.Прекин не смее да има, освен во услови на вонредни околности како постоење на кризна состојба, прогласена епидемија, односно пандемија, пожари, поплави или други големи природни непогоди, за што одлучува Владата и го уредува начинот на организирање и реализирање на наставата до крајот на учебната година.Училишните раководства имаат законска должност да го организираат воспитно – образовниот процес и да овозможат продолжување на континуитетот на следење на настава во училниците, кој беше воспоставен откако по година и половина едукација на учениците во вонредни околности и услови на пандемија, тие повторно се вратија во училишните клупи, каде што впрочем им е местото.

Македонија | пред 4 години