ВМРО-ДПМНЕ соопшти дека Македонија се искачила за 29 места на светската ранг-листа според Националниот индекс за сајбер-безбедност.
Според партијата, државата напредувала од 59. на 30. место во светот и достигнала резултат од 84,17 поени.
Од ВМРО-ДПМНЕ оценуваат дека ова е резултат на мерките што ги презела Владата за зајакнување на сајбер-безбедноста и отпорноста на државните информациски системи.
Како клучни чекори ги наведуваат донесувањето на новиот Закон за безбедност на мрежни и информациски системи, усвојувањето на Стратегијата за сајбер-безбедност 2025–2028 со Акциски план, како и зајакнувањето на механизмите за координација и реакција при сајбер-инциденти.
„Со овие мерки се создава посигурна дигитална инфраструктура, подобра заштита на податоците на граѓаните и поголема отпорност на државните системи“, наведуваат од ВМРО-ДПМНЕ.
Партијата го оценува напредокот на ранг-листата како конкретен резултат од реформите и како чекор кон, како што велат, модерна и безбедна дигитална држава.
Станува збор за тврдења на ВМРО-ДПМНЕ во партиско соопштение.
