Македонија учествуваше во голема меѓународна акција против инвестициски измами: Уапсени седум лица, штетата над 4 милиони евра

Македонија учествуваше во голема меѓународна полициска операција насочена кон разбивање транснационална криминална мрежа осомничена за организирање инвестициски измами преку интернет.

— реклама —

Акцијата била спроведена во координација и со поддршка на Европол и Европравда, а во неа учествувале надлежни институции од Германија, Кипар, Финска, Албанија, Израел, Косово и Македонија.

— реклама —

Во рамки на координираните активности, во повеќе земји биле уапсени седум осомничени лица, извршени биле претреси на 17 локации и запленети повеќе од 100 сервери, како и други електронски докази и средства поврзани со криминалните активности.

Од Основното јавно обвинителство за гонење на организиран криминал и корупција информираат дека во операцијата македонските институции постапувале преку Одделот за сузбивање на организиран и сериозен криминал при Бирото за јавна безбедност.

— реклама —

Според досегашните сознанија, финансиската штета предизвикана од криминалната мрежа надминува четири милиони евра. Потенцијални жртви на измамите се идентификувани во најмалку 50 држави.

— реклама —

Операцијата претставува резултат на меѓународната соработка во борбата против организираниот криминал и интернет-финансиските измами.