Македонските ракометари денеска во Грција ја бркаат втората победа во квалификациите за ЕП 2028

Македонската ракометна репрезентација денеска од 16 часот ја очекува гостување против Грција, каде што ќе се обиде да ја забележи втората победа во квалификациите за Европското првенство во 2028 година.

— реклама —

Избраниците на селекторот Кирил Лазаров ќе играат пред полни трибини и против мотивиран домаќин, кој во првото коло загуби од Шведска. Македонија, пак, ќе се обиде да го продолжи победничкиот почеток на квалификациите.

— реклама —

Најискусниот македонски репрезентативец Никола Костески очекува тежок натпревар и нагласува дека концентрацијата мора да биде на највисоко ниво во текот на сите 60 минути.

„Добро ги анализиравме. Имаат квалитетна бековска линија, но ние сме Македонија, имаме спој на млад и искусен тим и со години настапуваме на големите натпреварувања. Мораме да бидеме фокусирани од првата до последната минута и да им покажеме кои сме“, изјави Костески.

— реклама —

Тој посебно ја истакна важноста на одбраната, која може да биде пресудна за конечниот исход.

— реклама —

„Најважно за нас е да се фокусираме на одбраната. Доколку бидеме на високо ниво во дефанзивата од првата до последната минута, ќе следат и голови на спротивната страна, со што значително ќе си ја олесниме задачата“, порача македонскиот ракометар.