Градоначалникот на Охрид, Кирил Пецаков, упати честитка до ракометарите на ГРК Охрид по победата над унгарскиот МОЛ Татабања во европско натпреварување.
Охридскиот тим славеше на гостувањето со 28:29, а Пецаков преку објава на социјалните мрежи истакна дека ракометарите покажале „карактер на шампиони и борба до последната секунда“.
„Нашите момци покажаа како се гине за дресот на ГРК Охрид и се враќаат со триумф од гостувањето кај МОЛ Татабања“, напиша Пецаков.
Тој им честиташе на стручниот штаб и на сите ракометари за прикажаната игра, додавајќи дека Охрид се гордее со нив.
Пецаков им се заблагодари и на навивачите кои присуствувале во салата во Татабања и најави нов ракометен спектакл на реваншот во Охрид.
