Макрон: Франција се соочува со најголемите шумски пожари од Втората светска војна

Францускиот претседател Емануел Макрон изјави дека Франција се соочува со најголемите шумски пожари од Втората светска војна, додека пожарникарите во Франција, Шпанија и Обединетото Кралство се борат да ги стават огнените стихии под контрола.

— реклама —

При посетата на пожарникарите кои интервенираат во шумата Фонтенбло јужно од Париз, Макрон оцени дека земјата ја очекува тешко лето и посочи дека рекордите по обемот на пожарите веќе се соборени, иако сезоната сè уште не го достигнала својот врв.

— реклама —

Во меѓувреме, француското обвинителство отвори истрага против компанија и нејзините работници кои користеле електрична пила при поправка на автопат, бидејќи постои сомнение дека искра од алатот ја запалила околната вегетација.

— реклама —

Во посебен случај, уапсен е доброволец пожарникар кој признал дека намерно предизвикал пожар користејќи запалка и бензин, додека друг маж ненамерно предизвикал пожар откако фрлил отпушок од цигара.

Во Шпанија, пожарот во регионот Арагон досега уништил околу 4.500 хектари шума, ниска вегетација и земјоделско земјиште. Регионалните власти соопштија дека огнената стихија во близина на селото Ореса и понатаму е надвор од контрола.