Макрон: Следните недели ќе бидат тешки, пожарите повторно се разгоруваат

Пожарите во францускиот регион Жиронд повторно се разгореа по краткотрајното смирување на состојбата, а утринава беа регистрирани нови жаришта меѓу Лакано и Сен Елен.

— реклама —

Според француските власти, огнената стихија досега уништила околу 42.000 хектари, додека префектурата предупреди дека состојбата и понатаму е „многу непредвидлива“.

— реклама —

Францускиот претседател Емануел Макрон, кој вчера ги посети Бордо и кризниот штаб на противпожарната служба, порача дека земјата ја очекува тежок период.

„Следните недели ќе бидат тешки. Не се извлекуваат поуки додека битката сè уште трае. Треба да останеме обединети и да се бориме за да победиме“, изјави Макрон, одговарајќи на критиките упатени кон властите.

— реклама —

Во меѓувреме, противпожарните служби соопштија дека во департманот Буш ди Рона загинал 38-годишниот доброволен пожарникар Лоран Масон, кој настрадал додека бил на должност и одел да дополни гориво за противпожарно возило.

Дополнително, во департманот Вар четворица пожарникари се здобиле со полесни повреди во сообраќајна несреќа, соопшти локалната префектура.