Седумдесет и четиригодишна жена се здобила со тешки телесни повреди во сообраќајна несреќа што вчера претпладне се случила во Кочани, информираат од Министерството за внатрешни работи.
Според полицијата, на 2 јуни 2026 година во 11:00 часот во ОВР Кочани било пријавено дека на улицата „Тодосија Паунов“ мотоцикл „Хамачи“ со кочански регистарски ознаки, управуван од 16-годишник од селото Грдовци, удрил во 74-годишната П.Л. од Кочани.
Во несреќата, жената се здобила со тешки телесни повреди, додека малолетниот возач претрпел телесни повреди.
Повредите кај двајцата биле констатирани во болницата во Кочани.
На местото на настанот увид извршила увидна екипа од ОВР Кочани, а се работи на целосно расчистување на околностите под кои се случила несреќата.
