Малолетник управувал нерегистриран мопед без возачка

Четиринаесетгодишник од Ресен бил затекнат како управува мопед без возачка дозвола и без регистарски ознаки, при што возилото било привремено одземено.

— реклама —

Како што информира СВР Битола, на 4 јуни во 18:10 часот на улицата „Ленинова“ во Ресен, полициски службеници од ОВР Ресен го лишиле од слобода малолетникот при рутинска сообраќајна контрола.

— реклама —

— реклама —

При проверката било утврдено дека мопедот нема регистарски ознаки, а 14-годишникот не поседувал возачка дозвола. Со него бил извршен службен разговор во присуство на родител.

За случајот бил известен Центарот за социјални работи во Ресен, а по насоки на јавен обвинител од Основното јавно обвинителство Битола, мопедот е привремено одземен. По целосно документирање на настанот ќе биде поднесена соодветна пријава.