Од ВМРО-ДПМНЕ оценуваат дека СДС се претставува како проевропска опција, но дека изјавите и ставовите на партијата редовно се демантирани од европски институции и европски претставници.
Членот на Централниот комитет на ВМРО-ДПМНЕ, Валентин Манасиевски, на денешната прес-конференција, изјави дека европската ориентација што ја истакнува СДС служи како политичка етикета за оправдување на, како што рече, погрешни политики од минатото.
Тој посочи дека во јавноста постојат контроверзии поврзани со ставови и изјави на поединци од СДС, како и различни толкувања на ставови од европски претставници, кои, според него, биле подоцна разјаснети или демантирани.
Манасиевски оцени дека СДС користи, како што рече, спинови и манипулации во политичката комуникација, особено кога станува збор за европските интеграции и реформските процеси.
Според него, ваквиот пристап ја доведува во прашање кредибилноста на партијата како политички фактор кој се претставува како проевропски ориентиран.
