Манасиевски: Филипче е спремен да ги продолжи предавствата на Заев за да ја задржи фотелјата на Бихаќка

На денешната прес-конференција, членот на Централниот комитет на партијата, Валентин Манасиевски, изјави дека Филипче ги следи политиките на поранешните премиери Зоран Заев и Димитар Ковачевски, оценувајќи дека станува збор за континуитет на, како што рече, „предавнички политики“.

— реклама —

Тој се осврна на изјава на Филипче дадена пред гробот на Гоце Делчев, во која, според Манасиевски, било наведено дека Бугарија не го негирала македонскиот идентитет. Според ВМРО-ДПМНЕ, ваквите ставови се во спротивност со изјави на бугарски официјални претставници во однос на македонскиот јазик и историските личности.

— реклама —

— реклама —

Манасиевски истакна дека СДСМ е подготвена да прифати уставни измени без гаранции во евроинтегративниот процес, што, според него, е на штета на националните интереси. Воедно, ги повтори критиките кон договорите со Грција и Бугарија, како и кон таканаречениот француски предлог, оценувајќи дека тие ја довеле земјата во позиција на блокади во процесот на пристапување кон Европската Унија.

— реклама —

Од ВМРО-ДПМНЕ порачаа дека ваквите политики, според нив, предизвикале долгорочни последици врз државните интереси и ја зголемиле можноста за идни билатерални спорови.