Манасиевски: Филипче со 3,6% рејтинг, СДС на раб на статистичка грешка

Членот на Централниот комитет на ВМРО-ДПМНЕ, Валентин Манасиевски, упати остри критики кон лидерот на СДСМ, Венко Филипче, тврдејќи дека партијата е во сериозен пад на довербата кај граѓаните.

— реклама —

Според Манасиевски, Филипче, и покрај, како што наведе, нискиот рејтинг, продолжува да ги следи советите на Зоран Заев и новиот ПР-советник Башановиќ, што, според него, дополнително ја влошува состојбата во партијата.

— реклама —

Тој оцени дека СДСМ е доведен „на раб на статистичка грешка“ и дека довербата кај граѓаните е сериозно нарушена, додавајќи дека партијата не успева да се позиционира како релевантна опозиција.

— реклама —

Манасиевски тврди дека Филипче функционира под влијание на Заев и дека истите структури кои ја воделе партијата во минатото и понатаму имаат клучна улога.

— реклама —

Воедно, тој порача дека на СДСМ му се потребни реформи, дистанцирање од поранешното раководство и нов пристап, со цел да стане, како што рече, конструктивна и кредибилна опозиција.