Манасиевски: На проевропскиот СДС како што го претставува Филипче, најблиски им се проруските бизнисмени Онишченко, Борче Марковски и Дака

ВМРО-ДПМНЕ преку својот претставник Манасиевски , на денешната пре-конференција обвини дека СДСМ и претседателот Венко Филипче се претставуваат како проевропска опција, додека, како што наведува, се поврзуваат со бизнисмени со проруски интереси.

— реклама —

Тој ги посочи имињата на неколку бизнисмени, меѓу кои Онишченко, Борче Марковски и Миодраг Давидовиќ Дака, тврдејќи дека тие биле блиски до поранешното раководство на СДСМ.

„Во времето на владеењето на Зоран Заев, овие лица добивале тендери, имоти и државјанства поради блиски релации со власта“, изјави Манасиевски

— реклама —

Манасиевски оцени дека европската ориентација на СДСМ е декларативна, а во пракса, како што тврди, постапките биле спротивни на европските стандарди.

— реклама —

Тој се осврна и на претходното владеење на СДСМ, наведувајќи дека биле дадени ветувања за подобро здравство, образование и повисоки плати, кои не биле исполнети.

„СДСМ е антипод на Европа и е полна со корупција и криминал“, изјави Манасиевски

— реклама —

Од ВМРО-ДПМНЕ додаваат дека партијата, како што велат, ќе продолжи со политики за европска интеграција на Македонија на „чесен и достоинствен начин“.