Манасиевски: СДС зборува за европски вредности, ги спинува европските функционери и го негира македонскиот идентитет, Филипче од фотелјата на Заев вели дека е спремен за уставни измени без гаранции

Од ВМРО-ДПМНЕ преку соопштение обвинуваат дека СДСМ лажно се претставува како проевропска партија, додека, според нив, во пракса шири невистини и ги спинува изјавите на европските претставници.

— реклама —

Пратеникот Бране Манасиевски на прес-конференцијата посочува дека лидерот на СДСМ, Венко Филипче, настапува без јасни црвени линии во однос на евроинтегративниот процес и е подготвен за уставни измени без гаранции.

— реклама —

Во соопштението се наведува и дека член на Извршниот одбор на СДСМ, Рубин Земон, во јавен настап изнел ставови со кои, според ВМРО-ДПМНЕ, се релативизира значењето на Гоце Делчев за македонската државност, за што, како што велат, немало реакција од раководството на партијата.

Дополнително, Манасиевски обвини дека СДСМ ги извртувал изјавите на европратеникот Томас Вајц, кој подоцна појаснил дека неговото интервју било дадено претходно и дека постои напредок во реформите.

— реклама —

Од владејачката партија тврдат дека опозицијата со месеци ширела невистини и за средствата од ИПАРД програмата, посочувајќи дека од Брисел било потврдено дека тие не се блокирани и остануваат достапни.

— реклама —

Според ВМРО-ДПМНЕ, ваквите постапки покажуваат дека СДСМ делува опортунистички, а не проевропски, обвинувајќи дека со своите ставови ја доведува во прашање и позицијата на државата во евроинтегративниот процес.