Англискиот шампион Манчестер Сити ќе биде клубот со најмногу претставници на претстојното Светско првенство во САД, Канада и Мексико, откако дури 19 негови фудбалери се најдоа на списоците на националните селекции.
Ова претставува нов рекорд за најголемиот Мундијал во историјата, на кој ќе настапат 48 репрезентации со вкупно 1.248 фудбалери.
Зад Манчестер Сити е Баерн Минхен со 18 репрезентативци, додека по 16 играчи ќе имаат финалистите во Лигата на шампионите, Арсенал и Пари Сен Жермен.
Барселона ќе биде претставена со 15 фудбалери, а по 12 репрезентативци ќе имаат Манчестер Јунајтед, Атлетико Мадрид, Кристал Палас и Ал Хилал.
На шампионатот ќе бидат застапени вкупно 449 различни клубови од 71 земја, што ја потврдува глобалната димензија на турнирот.
Меѓу најголемите ѕвезди, Лионел Меси, Кристијано Роналдо и Гиљермо Очоа се подготвуваат за историски шести настап на Светското првенство.
Дури 357 играчи веќе имаат настапувано на Мундијалите, додека 891 фудбалер за првпат ќе бидат дел од најголемата светска фудбалска сцена.
Највозрасен учесник ќе биде шкотскиот голман Крег Гордон со 43 години, додека најмлад е мексиканскиот талент Гилберто Мора, кој има само 17 години. На турнирот се очекува да настапат 22 фудбалери помлади од 20 години и седуммина постари од 40 години.
