„Марш на ангелите“ во Кочани на 9 Мај: Повик за правда и сеќавање

Здружението на граѓани „16 Март“ со објава на социјалните мрежи најави дека на 9 Мај — Денот на Европа и Денот на победата над фашизмот — ќе го одржи „Маршот на ангелите“ во Кочани, посветен на 63-те жртви, со порака за правда, одговорност и институционална реакција.

— реклама —

Од здружението посочуваат дека датумот има силна симболика, бидејќи, како што велат, додека светот се сеќава на победата над фашизмот и вредностите на слободата, дел од семејствата сè уште живеат со болка и без одговори.

Маршот е најавен како мирен протест со почит и достоинство, со почеток во 17:05 часот и собир во 16:50 часот во Паркот на Револуцијата во Кочани.

— реклама —

Организаторите нагласуваат дека нивната цел е да се потсети јавноста и институциите на потребата од правда и одговорност, како и да се зачува сеќавањето на жртвите.

— реклама —

„Нема вистинска победа над темнината додека нема правда“, порачуваат од здружението, повикувајќи граѓани да се приклучат на маршот.

— реклама —