Промената на максималното ограничување на знаците е дел од многу поширокиот „ремонт“ на корисничкиот интерфејс на Twitter, кој се најавува во наредните месеци.
Извршниот директор на „Твитер“ Илон Маск потврди дека следниот месец лимитот на знаци ќе биде поместен од 280 на 4.000.
Прво предложена во декември, промената е само дел од поголем „ремонт“ на социјалната платформа, што американскиот милијардер сака да го спроведе во наредните месеци.
Зголемувањето на должината на „твитовите“ е само втор пат кога се менува лимитот на знаци. Последен пат, во 2017 година, беше преместена од 140 на 280 знаци.
Маск објасни дека подолгите „твитови“ ќе го добијат истиот простор како и сите други, но дека ќе имаат опција „покажи повеќе“.
https://twitter.com/elonmusk/status/1611932793130438656?ref_src=twsrc%5Etfw%7Ctwcamp%5Etweetembed%7Ctwterm%5E1611932793130438656%7Ctwgr%5E76f0b5313d506cf3f5a8dd011423f35ad500fe84%7Ctwcon%5Es1_c10&ref_url=https%3A%2F%2Ffaktor.mk%2Fmask-voveduva-novini---tvitovi-od-4000-karakteri---podolgite-tvitovi-dobivaat-opcija-pokazi-povekje
Општата ревизија на интерфејсот ќе ја вклучи можноста за „лизгање“ помеѓу предложените пораки и твитови од луѓето што ги следите, како и опција за „обележување“.
„Ќе додадеме и едноставни опции за форматирање како задебелени и подвлечени и големина на фонтот на крајот на кварталот“, дополни Маск.
