Масовна престрелка во бар во Јужна Африка: Убиени 17 лица, напаѓачите пукале со калашникови и пиштоли

Најмалку 17 лица се убиени во масовна престрелка во кафуле во населбата Ведела, југозападно од Јоханесбург, соопшти јужноафриканската полиција.

— реклама —

Нападот се случил во текот на ноќта, а екипите на итната медицинска помош по пристигнувањето на местото констатирале дека сите 17 жртви починале.

— реклама —

Според полицијата, напаѓачите биле вооружени со калашникови и пиштоли. Засега не е познат мотивот за нападот.

— реклама —

Полицијата во провинцијата Гаутенг започнала потрага по осум вооружени лица, осомничени дека учествувале во нападот во кафулето во Карлтонвил, во областа Вест Ренд.

Истрагата за случајот е во тек, а полицијата продолжува да трага по осомничените напаѓачи.