Четириесет и едногодишен битолчанец е лишен од слобода откако предизвикал пожар во електричната инсталација на станбена зграда во Битола.
Од Министерството за внатрешни работи информираат дека на 30 јули 2026 година, на улицата „Филип Втори Македонски“ во Битола, полициски службеници од СВР Битола го привеле З.С. (41) од Битола.
Според информациите, тој во влезот на станбената зграда запалил кабли од електричната инсталација, при што бил оштетен дел од електричната инсталација на два ката.
Увид на местото извршила увидна екипа на СВР Битола, а по целосното документирање на случајот против лицето ќе биде поднесен соодветен поднесок.
