Мицкоски до Филипче: Не би сакал да бидам ист со куклата на тие што ја уништија и ограбија Македонија

Премиерот Христијан Мицкоски остро му одговори на лидерот на СДСМ Венко Филипче, на денешната прес-конференција откако Филипче изјави дека „не се исти“.

— реклама —

Одговарајќи на новинарско прашање за оваа изјава, Мицкоски рече дека за првпат може да се согласи со претседателот на опозициската партија дека навистина „не се исти“.

— реклама —

„Јас можам за прв пат да се сложам со претседателот на СДСМ дека не сме исти. Јас никогаш не би сакал да бидам ист со куклата на луѓето кои ја уништија и ограбија Македонија. Ниту во најлошиот сон не би сакал тоа да бидам“, изјави Мицкоски.

— реклама —

Премиерот додаде дека, според него, граѓаните можат јасно да ја препознаат разликата меѓу актуелното раководство на СДСМ и Владата предводена од ВМРО-ДПМНЕ.

— реклама —

„Така што еве за прв пат можам да се сложам дека не сме исти и точно граѓаните можат да направат разлика меѓу ова раководство на СДСМ кое што го води куклата на оние кои што ја уништија и ограбија Македонија, и Владата која што ја предводи ВМРО-ДПМНЕ“, порача Мицкоски.