Евроамбасадорот Рокас денеска му го предава извештајот на ЕК на Мицкоски

Евроамбасадорот Михалис Рокас денеска во Владата официјално ќе му го предаде на премиерот Христијан Мицкоски Извештајот на Европската комисија за напредокот на Македонија. Средбата е закажана за 14 часот, по што двајцата ќе одржат заедничка прес-конференција и ќе ги презентираат клучните оценки и забелешки од Брисел.

— реклама —

Извештајот вчера го прими и претседателот на Собранието, Африм Гаши, кој оцени дека документот дава објективен преглед на постигнатите резултати, но и на предизвиците со кои се соочува државата.

— реклама —

Гаши позитивно го оцени забележаниот напредок во функционирањето на Собранието, особено усвојувањето на Етичкиот кодекс и Стратешкиот план за периодот 2027–2031 година, зајакнувањето на парламентарниот надзор и постигнувањето меѓупартиски договор за важни институционални именувања.

— реклама —

Тој посочи дека сериозно се прифаќаат и критиките за недостигот од политички консензус за одредени прашања и зачестената употреба на скратените постапки. Гаши порача дека ќе продолжи да се залага за Собрание во кое ќе се промовираат дијалогот, консензусот и европските реформи.

— реклама —

Претседателот на Собранието нагласи дека определбата на Македонија за полноправно членство во Европската Унија останува непоколеблива.