РОКАС

Тошковски – Рокас: Продолжува силната поддршка на ЕУ за реформите и јакнењето на капацитетите на МВР

Mинистерот за внатрешни работи, Панче Тошковски денеска оствари средба со Михалис Рокас, на која била потврдена континуираната поддршка од Европска Унија за реформите и јакнењето на капацитетите на Министерството за внатрешни работи.На средбата била оценета како одлична досегашната соработка меѓу МВР и Европската Унија, особено во делот на реализацијата на проекти преку ИПА инструментот за претпристапна помош и активностите предвидени со Реформската агенда.Тошковски се заблагодарил за поддршката што ЕУ ја обезбедува во процесот на исполнување на критериумите поврзани со европската интеграција на државата.Соговорниците посочиле дека партнерството меѓу Македонија и Европската Унија има значајна улога во модернизацијата на институциите, јакнењето на безбедносниот систем и подобрувањето на ефикасноста во справувањето со современите безбедносни предизвици.На средбата се разговарало и за тековните активности во рамки на програмите за прекугранична соработка, како и за приоритетните области од заеднички интерес, со акцент на натамошно продлабочување на партнерската соработка.

Македонија | пред 1 ден

Рокас повикува на политичко обединување: Македонија е поблиску од кога било до членство во ЕУ

Амбасадорот на Европската Унија, Михалис Рокас, повика на поголемо политичко обединување во Северна Македонија со цел земјата да ги заврши потребните чекори за започнување на преговорите за членство во ЕУ.На конференција по повод 30 години од воспоставувањето дипломатски односи и 25 години од Договорот за стабилизација и асоцијација, Рокас истакна дека Европската Унија останува најважен економски и политички партнер на земјата, обезбедувајќи поддршка преку инвестиции, програми и фондови.Тој нагласи дека предизвиците со кои се соочува државата не се само технички, туку и политички и бараат поголема решителност и меѓупартиска соработка.Од друга страна, заменик-премиерот за европски прашања, Беким Сали, порача дека европската интеграција останува стратешки приоритет, додавајќи дека реформите веќе даваат резултати во области како владеење на правото и економијата. Тој истакна дека амбицијата на земјата е полноправно членство во ЕУ и дека државата припаѓа на европското семејство.Рокас оцени дека, иако имало разочарувања низ годините, земјата е поблиску до ЕУ отколку што изгледа, но недостасуваат прагматизам, решителност и политичко обединување за да се донесат клучните одлуки за следните чекори во процесот.

Македонија | пред 3 седмици

Рокас во посета на Прилеп

Амбасадорот на Европска Унија во земјава, Михалис Рокас, денеска ќе престојува во Прилеп, во рамки на иницијатива насочена кон подобро информирање на јавноста и приближување на европските политики и интегративниот процес до локалните заедници.Агендата предвидува средба со градоначалникот Дејан Проданоски, по што ќе се одржи состанок и со членовите на Општинскиот совет. Разговорите ќе се фокусираат на придобивките од членството во ЕУ и на конкретните ефекти од европската поддршка врз секојдневието на граѓаните во регионот.За време на посетата, амбасадорот ќе се сретне и со претставници на граѓанскиот сектор, како и со Младинскиот совет при Општина Прилеп.

Македонија | пред 3 месеци