Рокас: Македонија бележи напредок во дигитализацијата, образованието и владеењето на правото

Македонија бележи напредок во повеќе области во споредба со претходната година, особено во дигиталната трансформација, истражувањето, науката, образованието и владеењето на правото, изјави амбасадорот на ЕУ Михалис Рокас, одговарајќи на новинарско прашање за извештајот за напредокот на земјата за 2026 година.

— реклама —

Рокас посочи дека се донесени значајни закони и дека една година подоцна веќе се забележуваат резултати од преземените чекори. Сепак, нагласи дека напредокот треба да се оценува во рамките на годишниот циклус и дека, и покрај достигнатото ниво на подготвеност, се очекуваат дополнителни резултати.

— реклама —

Осврнувајќи се на слободата на медиумите, тој истакна дека правната рамка во оваа област се преиспитува со цел усогласување со законодавството и стандардите на Европската Унија.

— реклама —

Меѓу прашањата што треба да бидат опфатени ги посочи транспарентноста на сопственоста на медиумите, државното рекламирање, конкурентноста, државната помош и правата од интелектуална сопственост.

— реклама —

Рокас оцени дека медиумската сфера заслужува целосно внимание и дека Европската Унија внимателно ги следи случувањата. Тој додаде дека Унијата е подготвена да понуди стручна помош и совети за законските измени што треба да придонесат за зајакнување на медиумите.