Мицкоски ги потврди списоците за вработување на Меџити, ДКСК итно да реагира, вели СДСМ

„Изјавата на премиерот Христијан Мицкоски дека секој можел да прави списоци за вработување е јасна потврда дека списоци за робусно вдомување на 3.000 партиски војници постојат“, вели СДСМ и додава:

— реклама —

Се потврдуваат намерите со скандалозната најава на Меџити за историски најголема партизацијата на јавната администрација.

— реклама —

Очигледно има веќе подготвени списоци со имиња на „подобните“ партиски кадри, кои треба да се вдомат во јавниот сектор. Прашањето е смее ли Мицкоски да побара одговорност од Меџити? Или дилот им е заеднички, пред локалните избори да има робусно полнење на администрацијата со партиски послушници?

— реклама —

Овој огромен, робусен скандал со најголема партизација на институциите мора да биде целосно расчистен.

— реклама —

ДКСК мора веднаш да отвори предмет по оваа изјава на Меџити. Сите моментални вработувања во администрацијата да бидат стопирани и да се обезбеди целосна истрага за овој скандал.