Мицкоски и Муцински ја кријат вистината, уставните измени се европско, а не билатерално прашање, вели Филипче

Претседателот на СДСМ, Венко Филипче, на денешната прес-конференција обвини дека премиерот Христијан Мицкоски и министерот за надворешни работи Тимчо Муцунски ја кријат вистината за процесот на евроинтеграција и прашањето за уставните измени.

— реклама —

Филипче посочи дека бугарската министерка за надворешни работи, Велислава Петрова-Чамова, јасно порачала дека прашањето за внесување на малцинствата во Уставот „не е билатерално, туку европско прашање“.

„Бугарија потврдува дека прашањето за малцинствата во Уставот не е бугарско, туку е европско прашање и тоа е услов на Европската Унија, а не на Бугарија“, рече Филипче.

— реклама —

Тој се повика и на изјави на високата претставничка на ЕУ, Каја Калас, како и на еврокомесарката Марта Кос, кои, според него, испратиле пораки дека напредокот кон ЕУ зависи од реформите и исполнувањето на обврските.

— реклама —

Филипче обвини дека власта создава „вештачки конфликти“ за да ја сокрие вистината и да го блокира европскиот пат на државата.

„Малцинствата кои се европско прашање не го загрозуваат, туку го јакнат македонскиот идентитет, а внесувањето на малцинствата во Уставот е основен предуслов да се поместиме од оваа мртва точка“, изјави лидерот на СДСМ.

— реклама —

Тој додаде дека без уставни измени нема продолжување на преговорите со Европска Унија.