„Мицкоски и ВМРО-ОКГ славеа во градот каде отруја над 5.000 луѓе“, велат од СДСМ

СДСМ преку соопштение остро го критикуваше премиерот Христијан Мицкоски и ВМРО-ДПМНЕ поради нивното присуство и прослава во Гостивар, потсетувајќи на неодамнешната состојба со загадената вода и пријавените случаи на труење во градот.

— реклама —

„Вчера Христијан Мицкоски и ВМРО славеа во Гостивар. Во градот каде над 5.000 граѓани беа отруени“, реагираат од СДСМ, поставувајќи прашање што, како што велат, всушност се славело во градот.

Од партијата потсетуваат на периодот во кој, според нив, граѓаните со недели се соочувале со проблеми со водоснабдувањето, како и на наводното доцнење со објавувањето на документите за квалитетот на водата.

— реклама —

СДСМ го критикува и односот на власта кон состојбата во Гостивар, обвинувајќи ги надлежните дека заминале на одмор додека градот се соочувал со последиците од труењето и епидемијата.

— реклама —

„Слават таму каде што луѓето лежеа по болници. Се сликаат таму каде што кријат анализи“, наведуваат од СДСМ.

Од опозициската партија го цитираат и Мицкоски, кој порача дека Гостивар нема да биде заборавен, но додаваат дека, според нив, односот на власта покажува поинаква слика.

— реклама —

„Гостивар нема да биде заборавен пред избори – тоа го вели Мицкоски. Гостивар не заборава. Граѓаните не забораваат“, стои во реакцијата на СДСМ.