Мицкоски: Кичево се гради и развива, ги исполнуваме ветувањата дадени пред кичевчани

Премиерот Христијан Мицкоски на денешната пре-конференција изјави дека Кичево се гради и развива и дека Владата ќе продолжи да ја поддржува општината во реализација на започнатите проекти.

— реклама —

„Од ова што можеме да видиме, прилично амбициозна агенда и уверен сум дека сите овие проекти кои што се отпочнати, ќе бидат и завршени“, рече Мицкоски.

— реклама —

Тој му се заблагодари на градоначалникот, советниците и општинската администрација за, како што рече, ангажманот и амбициозноста во реализацијата на проектите.

Според премиерот, по долг период на застој, веќе почнале да се забележуваат првите знаци на развој во Кичево.

— реклама —

Мицкоски посочи дека Владата и во иднина ќе продолжи да го помага развојот на општината, а присутните министри, заменици-министри и пратеници, како што рече, ќе продолжат да работат за реализација на нови проекти.

— реклама —

„Ќе продолжиме на овој начин да практично испорачуваме сето она коешто го ветивме кај граѓаните“, изјави Мицкоски.