Мицкоски не потврди дали Димовски ќе биде секретар за добро владеење, за кого смета дека бил обвинет од СЈО кое било контролирано од СДСМ

Премиерот Христијан Мицкоски не потврди дали Димитар Димовски, обвинет и ослободен од вина во предмети на обвинителствата, ќе биде именуван за секретар за добро владеење во Владата, откако беше прашан за информациите дека токму тој ќе ја извршува оваа функција во неговиот кабинет.

— реклама —

„Прво, јас никаде не кажав кој ќе биде тој што ќе го управува делот за добро владеење. Реков дека, како што ќе имаме секретар кој врши мониторинг на реализацијата на програмата на Владата, ќе имаме и секретар за добро владеење. Нема да биде истото лице“, рече Мицкоски.

— реклама —

Во однос на Димитар Димовски, премиерот посочи дека својот став за него веќе го кажувал во минатото и не сака повторно да го коментира.

„Димитар Димовски, како и десетици и стотици луѓе од претходната Влада на ВМРО-ДПМНЕ кои беа дел од политичка хајка на криминалната влада на СДСМ и ДУИ, кои СЈО го користеа како политичка алатка, сум го коментирал многупати во минатото и нема да го коментирам“, изјави Мицкоски.

— реклама —

Димовски во моментов е дел од Кабинетот на премиерот на позицијата „секретар за јавни политики, координација и следење на реализацијата на програмата на Владата“.

— реклама —

Неговото име претходно е впишано како обвинет во предметите на Обвинителството за гонење организиран криминал и корупција, како и СЈО. Во случајот „Шпански скали“ беше ослободен од обвинението за злоупотреби при продажба на државно земјиште на скопскиот плоштад, додека беше обвинет и во предметот „Топлик“.