Мицкоски од Германија: Ги продлабочуваме економските врски, целта се нови инвестиции

Премиерот Христијан Мицкоски соопшти дека за време на посетата на Германија остварил средби со раководството на „Дојче телеком“, како и со претставници на Германската стопанска комора и компании што веќе инвестираат или планираат да вложуваат во Македонија.

— реклама —

На средбата со главниот директор на „Дојче телеком“ биле разгледани можностите за дополнителни инвестиции на македонскиот телекомуникациски пазар, но и во други области, меѓу кои здравството, паметната технологија и други индустрии што можат да донесат поголема додадена вредност за домашната економија.

— реклама —

Во рамките на посетата на Бон, Мицкоски разговарал и со претставници на Германската стопанска комора и компании со германски капитал. Теми на разговор биле досегашните искуства на инвеститорите, подобрувањето на условите за нивно работење, како и можностите за проширување на инвестициите и производствените капацитети.

— реклама —

Според Мицкоски, зголемувањето на инвестициите би придонело и за раст на бруто-домашниот производ, а резултатите од разговорите би имале позитивно влијание врз квалитетот на животот на граѓаните.

— реклама —

Премиерот најави дека посетата на Германија продолжува и во текот на утрешниот ден.