Мицкоски од Илинден: Се гради низ целата држава, следува и трет повик за општински проекти

Премиерот Христијан Мицкоски, при посетата на Општина Илинден, изјави дека низ државата во моментов се реализираат повеќе од 1.200 проекти финансирани преку средствата пренасочени од централниот буџет кон општините и најави дека ќе следува и трет повик за нови проекти.

— реклама —

Тој оцени дека Македонија во моментов е „едно големо градилиште“, посочувајќи дека дел од проектите веќе се завршени, дел се во тек, а мал број допрва ќе започнат.

— реклама —

„Очекувам следната година да го заокружиме процесот со проектите од првиот и вториот повик и веќе да размислуваме за трет повик, кој мислам дека ќе биде исто така потребен. Во меѓувреме општините подготвуваат нови проекти, што е добро“, рече Мицкоски.

— реклама —

Тој упати честитки до градоначалникот на Општина Илинден, Александар Георгиевски, оценувајќи дека реализира значајни проекти, а благодарност изрази и до општинската администрација, советниците, пратениците и членовите на Владата за поддршката во реализацијата на проектите.

Според Мицкоски, државата денес се менува и од, како што рече, „ограбена, понижена и засрамена“, станува земја во која интензивно се гради, при што Владата ќе продолжи со реализација на нови инфраструктурни проекти.