Мицкоски: Растот на градежништвото охрабрува, очекуваме позитивно влијание врз БДП

Позитивните движења во градежниот сектор се очекува да дадат значаен придонес кон економскиот раст, смета премиерот Христијан Мицкоски, кој на денешната прес-конференција посочи дека најновите показатели покажуваат раст од над 30 отсто кај издадените одобренија за градење.

— реклама —

Одговарајќи на новинарско прашање за состојбите во градежништвото, Мицкоски истакна дека особено охрабрува и вредноста на планираните градежни работи, која исто така бележи раст од над 30 отсто во споредба со истиот период минатата година.

— реклама —

„Економијата е еден од главните приоритети на оваа Влада. Како дел од економијата е и градежништвото. Кога ќе ги погледнете последните параметри, ќе дојдете до заклучок дека градежништвото расте со стапка поголема од 30 отсто во делот на издадените одобренија за градење“, рече Мицкоски.

Тој додаде дека дополнителен позитивен сигнал е и вредноста на работите што треба да се реализираат во градежниот сектор, која е за повеќе од 30 отсто повисока во споредба со истиот период лани.

— реклама —

Според премиерот, градежништвото е еден од значајните двигатели на економскиот развој, поради што очекува неговиот раст да има сериозно позитивно влијание врз бруто-домашниот производ.

„Очекувам да има сериозно позитивно влијание врз растот на бруто-домашниот производ на државата“, истакна Мицкоски.