Мицкоски сака да се занимаваме со спинови наместо со вистината за ЕУ, вели Филипче

Претседателот на СДСМ, Венко Филипче, на денешната прес-конференција изјави дека премиерот Христијан Мицкоски и министерот за надворешни работи Тимчо Муцунски намерно создаваат спинови и конфликти со цел да ја избегнат вистината за европскиот пат на државата.

— реклама —

Филипче обвини дека власта континуирано манипулира со јавноста и креира лажни наративи за евроинтеграциите.

„Мицкоски и Муцунски продолжуваат да ги лажат македонските граѓани. Создаваат вештачки конфликт за да се сокрие вистината“, рече Филипче.

— реклама —

Тој додаде дека, според него, зад блокадите на европскиот пат стои обид за заштита на криминални интереси и продолжување на „грабежот на државата“.

— реклама —

Во своето обраќање, лидерот на СДСМ ги спомена и, како што рече, „Орбановите медиуми, фармите на тролови и ботови“, обвинувајќи ја власта за ширење лажни вести.

„Граѓаните сега јасно гледаат. Најголеми предавници на иднината се Христијан Мицкоски и неговата криминална организација“, изјави Филипче.

— реклама —

Тој порача дека, според него, најголем патриотизам е признавањето и потврдувањето на македонскиот идентитет и јазик во рамки на Европска Унија.