Мицкоски: СДСМ методолошки шират лаги со цел да обезбедат алиби како да се задржи актуелното раководството после следниот изборен пораз

Претседателот на Владата, Христијан Мицкоски, на седница во Собранието посветена на пратенички прашања изјави дека дел од опозицијата, предводена од СДСМ, методолошки шири невистини со цел да создаде алиби за идните политички случувања.

— реклама —

Според него, опозициските настапи не биле насочени кон конструктивна дебата, туку кон создавање сензации и дезинформации, со цел да се влијае врз јавноста и да се оправдаат идни изборни резултати.

— реклама —

Мицкоски посочи дека во изминатиот период опозицијата ширела паника за економската состојба, тврдејќи дека нема да има исплата на плати и пензии, како и дека државата е во финансиски ризик, што, како што рече, не се покажало како точно.

— реклама —

Тој се осврна и на дебатата за евроинтеграциите, наведувајќи дека критиките од опозицијата не ја одразуваат реалната состојба и дека напредокот е потврден и од меѓународни партнери, вклучително и од Европската Унија.

— реклама —

Премиерот додаде дека Владата ќе продолжи да се фокусира на реформите и на интересите на граѓаните, наместо на, како што рече, политички конструкции на опозицијата.