„Мицкоски се враќа од екскурзија - дали ќе го пречекаат со ново знаме или е тоа само уметничка инсталација?“, вели СДСМ

СДСМ преку соопштение упати остри критики кон премиерот Христијан Мицкоски по неговото враќање од Брисел, обвинувајќи го дека наместо со решенија за домашните проблеми, се занимава со, како што велат, политички пораки и меѓународни настапи.

Од партијата иронично прашуваат дали Мицкоски по враќањето ќе биде пречекан со „ново знаме“, алудирајќи на неговите ставови за уставното име и меѓународните прашања.

— реклама —

„Денеска се враќа Христијан Мицкоски од бриселската екскурзија. Прашањето е само едно: дали ќе го пречекаат со ново знаме?“, велат од СДСМ.

Од СДСМ потсетуваат на предизборните ветувања на Мицкоски за подобра преговарачка позиција, нови гаранции и промена на името, оценувајќи дека тие ветувања не се реализирани.

— реклама —

Партијата го критикува и односот на Владата кон состојбата во Гостивар, здравствените проблеми и епидемиолошките состојби, посочувајќи ги проблемите со водоснабдувањето, западнонилската треска и состојбата во здравствените установи.

— реклама —

„Те чека празен буџет. Те чекаат плати и пензии. Те чека Гостивар – цел месец. Три цистерни вода за цел град. Епидемија на жолтица. Епидемија на Западнонилска треска“, стои во реакцијата.

Од СДСМ обвинуваат дека Владата, наместо да понуди решенија, користи, како што велат, закани и политички пораки.

„Закани наместо решенија. Лаги наместо одговорност“, наведуваат од партијата.

На крајот од реакцијата, СДСМ му порача на Мицкоски дека по враќањето од Брисел ќе треба да се соочи со проблемите со кои, според нив, се соочуваат граѓаните.