Министерството за дигитална трансформација потпиша Меморандум за разбирање со Emirates Investment Group

Министерството за дигитална трансформација и Emirates Investment Group потпишаа Меморандум за разбирање, со кој се поставува рамка за соработка во развојот и меѓународната промоција на иницијативата за Дигитален иновациски хаб.

— реклама —

Меморандумот го потпишаа министерот за дигитална трансформација, Стефан Андоновски, и претседателот на Бордот на Emirates Investment Group, д-р Хамад Ал Шамси.

— реклама —

Со договорот е предвидена соработка во подготовката на стратешки и инвестициски материјали, обезбедување советодавна поддршка, усогласување со добрите практики од Обединетите Арапски Емирати и меѓународните стандарди, како и активности за привлекување странски инвеститори, стратешки партнери и технолошки компании.

— реклама —

Од Министерството посочуваат дека преку ова партнерство ќе се работи на зголемување на меѓународната видливост на земјата во областа на дигиталните инвестиции, иновациите и современите технологии.

— реклама —

Според Министерството, соработката претставува чекор кон зајакнување на домашниот дигитален екосистем, отворање нови партнерства и создавање услови за проекти што можат да придонесат за економскиот развој и подобро позиционирање на државата во глобалниот технолошки сектор.