Главниот уредник на поткастот „Тешки муабети“, Александар Митовски, и неговиот колега Милош Милошевски реагираа откако бугарската партија „В’зраждане“ најави дека ќе побара забрана за нивен влез во Шенген-зоната.
Митовски оцени дека односот на бугарската држава кон Македонците останал непроменет со децении.
„Во услови кога Македонија е напаѓана, а нејзината самобитност, идентитет, култура и историја се повторно жртва на повампирениот бугарски фашизам, чест ми е да бидам дел од борбата на Тодор Александров, Сарафов, Сандански, Делчев. Овој однос на бугарската држава кон Македонскиот народ и неговата мисла е ист, непроменет од 1903 до денес“, напиша Митовски.
Тој додаде дека денес се бара „црн печат“ за него и Милошевски, како што, според него, во минатото биле прогонувани македонски автори и весници.
„Не еден, три печати ставете. Нас ни е чест да сме дел од оваа борба, а тој печат би бил најголемиот орден. Нема да попуштиме“, порача Митовски.
Со реакција се огласи и Милош Милошевски.
„Особена чест и задоволство ми претставува фактот што ја продолжувам традицијата на мојата фамилија на осудени од бугарската држава за борбата за Македонија“, напиша тој.
Осврнувајќи се на најавата за можна забрана за влез во Шенген, Милошевски порача:
„Ви посакувам убав помин со фините дечки од Сомалија кои очигледно повеќе ги сакате од сопствената крв и месо тука од Западниот Балкан и Македонија. Топол поздрав за бугарскиот пратеник Ангел Георгиев, кој Македонија може да ја гледа само на разгледница.“
Претходно, бугарската партија „В’зраждане“ соопшти дека ќе испрати официјално барање до бугарското Министерство за надворешни работи за забрана за влез во Шенген-зоната за двајца македонски државјани, поради видео во кое, според партијата, биле упатени навредливи гестови кон бугарскиот претседател Румен Радев и потпретседателката Илијана Јотова.
Бугарски пратеник бара бара забрана за влез во Шенген за двајца македонски државјани оти на поткаст ги критикувале Јотова и Радев
Бугарската партија „В’зраждане“ најави дека ќе испрати официјално барање до Министерството за надворешни работи на Бугарија за забрана за влез во Шенген-зоната за двајца државјани на Македонија, поради видео во кое, според партијата, упатиле навредливи гестови кон бугарскиот претседател Румен Радев и потпретседателката Илијана Јотова.Пратеникот Ангел Георгиев во бугарскиот парламент изјави дека станува збор за „двајца македонски јутјубери“ кои го објавиле видеото во последните 24 часа.„Ние од ‘В’зраждане’ инсистираме Министерството за надворешни работи конечно да реагира, бидејќи досега нема никаква реакција“, изјави Георгиев.Од партијата очекуваат и судски последици за двајцата. Георгиев го спореди случајот со бугарскиот државјанин Драги Каров, кој неодамна во Македонија беше осуден на условна казна затвор поради објави на Фејсбук.„Очекуваме и тие да бидат осудени, бидејќи во спротивно тоа ќе биде уште еден доказ дека Република С. Македонија не се реформира и нема место во ваква состојба во Европската Унија“, рече Георгиев.Барањето на „В’зраждане“ доаѓа во период на продолжени политички и дипломатски тензии меѓу Софија и Скопје. Бугарското Министерство за надворешни работи во повеќе наврати соопшти дека не поддржува промена на европската преговарачка рамка за Македонија.Во одделна изјава, пратеникот Петар Петров од „В’зраждане“ ја критикуваше бугарската Влада поради политиката за водоснабдување кон Грција. Тој оцени дека не добил јасен одговор за тоа како ќе бидат заштитени бугарските интереси во услови на можно ново засушување и најави дека партијата ќе продолжи да бара приоритетно да се штитат националните интереси на Бугарија.
Свет | пред 11 час
