„Младите да не заминуваат“ – Филипче бара меритократија и фер систем

Претседателот на СДСМ, Венко Филипче, порача дека државата мора да се гради на систем, институции и еднакви можности, наместо на, како што рече, „еден човек или деспот“.

— реклама —

Во гостување во Сител, Филипче истакна дека клучот за задржување на младите е меритократијата и фер третманот, без партиски влијанија.

— реклама —

„Систем, можности за младите, меритократија, а недискриминација по партиска основа да знаат дека тука имаат иднина луѓето. Не да си бараат карти во еден правец и да заминуваат од државата“, изјави Филипче.

Тој оцени дека довербата во институциите, особено во судството, може да се врати единствено преку системски пристап и европски стандарди.

— реклама —

„Нема никако поинаку да се врати довербата во судството. Не со еден човек, лидер или монарх, со систем“, рече Филипче, додавајќи дека, според него, обвинителството треба да се ослободи од политички притисоци.

— реклама —

Во интервјуто упати и критики кон власта, оценувајќи дека постои „брутална партизација и злоупотреба на институциите“, како и недостиг од реална грижа за граѓаните.