МОН му нема доделено стипендија на синот на пратеникот Антонијо Милошевски, рече Јаневска

Министерката за образование и наука Весна Јаневска ги отфрли како неточни информациите дека Министерството доделило стипендија на синот на пратеникот Антонијо Милошевски за студирање на странство.

— реклама —

Одговарајќи на новинарско прашање за наводите што се шират на социјалните мрежи, Јаневска рече дека во јавноста често се објавуваат неточни информации.

— реклама —

„Мене ми е многу жал да кажам дека на нашите социјални мрежи има многу лажни вести“, рече министерката.

Таа посочи дека лично ги потпишува стипендиите за најдобрите, односно шангајските универзитети, но дека меѓу потпишаните документи нема стипендија за лице со презиме Милошевски.

— реклама —

„Името ‘Милошевски’, односно презимето и името, со ова презиме Милошевски, не е потпишано. Оттука сметам дека ова е апсолутно лажна вест и злоупотреба на името на пратеникот, но што е поважно – на детето“, изјави Јаневска.

Министерката додаде дека нема информации каде евентуално се наоѓа детето во странство, но категорично посочи дека Министерството за образование и наука не му доделило стипендија на синот на Антонијо Милошевски.