Мопедист тешко повреден по судир со „мерцедес“ во Скопје

Возач на мопед се здобил со тешки телесни повреди во сообраќајна несреќа што се случила вчера претпладне на крстосницата меѓу улиците „Лука Геров“ и „Лазо Димовски Ошенски“ во Скопје, информира Министерството за внатрешни работи.

— реклама —

Според МВР, несреќата била пријавена околу 11:30 часот, а во неа учествувале патничко возило „мерцедес“ со скопски регистарски ознаки, управувано од 19-годишниот Б.Т. од Скопје, и мопед со скопски регистарски ознаки, управуван од Б.Ѓ. (29) од селото Волково.

— реклама —

— реклама —

Во судирот, возачот на мопедот се здобил со тешки телесни повреди, кои биле констатирани во Ургентниот центар при Комплексот клиники „Мајка Тереза“ во Скопје.

— реклама —

Увид на местото на несреќата извршила увидна екипа на СВР Скопје, а причините за сообраќајката се утврдуваат.