Температурата во Москва во текот на изминатата ноќ паднала на 9,7 степени Целзиусови, што е најниска измерена вредност во рускиот главен град во текот на јули и август годинава.
Метеорологот Михаил Леус соопшти дека студените воздушни маси продолжиле да се движат кон централниот дел на европска Русија, што донело невообичаено свежа ноќ во Москва.
Според податоците од градската метеоролошка станица, минималната температура достигнала 9,7 степени, а Леус најави дека и претстојната ноќ ќе биде релативно студена.
Ниските температури доаѓаат по серија топлотни бранови што ја зафатија Москва од јуни. Последниот поинтензивен топлотен бран бил регистриран во првата декада на август, кога дневните температури достигнувале 32 до 33 степени, поради што бил издаден и портокалов метеоролошки аларм.
И покрај наглото заладување, јули 2026 година бил исклучително топол за Русија. Според метеоролошките податоци, јули годинава бил најтопол во Русија од почетокот на редовните мерења во 1891 година.
